Bokelskere.no

Det er fredag og regnver, ein makelaus sjans
Til å mure seg inne med bøker til gagns
Heile helga til endes med lesing i fred
Kan ein tenke seg likare lagnad enn det?

Eg har Sjarmen med tarmen på nattbordet no
(Men den burde vel helst vere lesnad på do?)
Og derpå skal eg inn i Camus sitt gebet
Om Sisyfos og livet sin absurditet.

Enn i bokelskarflokken, er planane klar
For ei god-helg med lesing i bøker og blad?
Måtte roa få senke seg utan problem
Slik at jamvekta er der når mandagen kjem

Det er sikkert mange som er begeistra for Charles Dickens, og kanskje spesielt Great Expectations som er ei av dei meir kjende bøkene hans. Denne boka spelar hovudrolla i boka som eg vil foreslå til neste runde, nemleg Mister Pip av Lloyd Jones.

Boka er frå 2006, forfattaren er frå New Zeeland (sjå der, geografisk spreiing må vi ha) og handlinga er lagd til Bougaineville i Papua Ny-Guinea på 1990-talet, under borgarkrigen der. Ein lærar på ein landsbyskule på øya introduserer ungane for Dickens og Great Expectations, og når krigen etter kvart kjem til den aktuelle landsbyen endar det med at soldatane blir overtydde om at det verkeleg gøymer seg ein Mister Pip der.

Eg ser at boka har fått overveldande gode omtalar her på bokelskere. Dette, saman med ein antagelse om at der er tett med Dickens-referansar, gjer at eg har stor tru på at denne boka kan bli ein slager i lesesirkelen.

Fleirbindsverk eg har starta på, men ikkje fullført enno.
Tel ikkje med krim-seriar o.l.
Lista er meint som ei hugseliste for eigen del.

Sortert etter kor truleg det er at eg kjem til å lese fleire bøker i verket.
Kvart punkt i lista er den første boka eg las av det aktuelle verket.

Verk som er sjekka ut av lista:
- Napoli-kvartetten av Elena Ferrante
- Slåttekar i himmelen og dei tre påfølgande bøkene i Edvard Hoem sin slektskrønike.
- Nattens brød av Johan Falkberget

Det er fredag den trettande, tenke seg til
Men at dette er uflaks, derom har eg tvil
For i vindstille solkrå i strålande ver
Les eg roleg om lyset som ikkje vi ser.

Då er eg også ferdig, 4 dagar før skjema.

Der var ein bitteliten referanse til Selma Lagerlöf og En Herregårdssaga undervegs. Dette tykte eg var spesielt artig, sidan det ikkje er så lenge sidan eg las denne boka. Men Skrapelodd, eller heile Vargskinnet-trilogien for den del, inneheld jo ein god del referanser til litteratur, musikk, kunst, etc etc, det er vel stor sjanse for at dei fleste av lesarane har kome over eit og anna som dei kjenner att.

Apropos kunst, det var moro å lese om korleis Anand og Elis fann saman gjennom felles dragning mot å lage visuelle uttrykk.

Forlaget Hogarth har invitert kjende forfattarar til å skrive kvar si bok inspirert av eit Shakespeare-stykke. Prosjektet sin heimeside.

Pr dato (9. april 2018) ser det ut for at serien skal innehalde 8 bøker, Så får ein sjå om det kjem fleire etter kvart.

Ein liten diskusjonstråd om denne serien er å finne her.

Denne lista er tenkt å innehalde 3 punkt pr Shakespeare-stykke:
1 - Shakespeare-stykket, på norsk dersom det er å finne, subsidiært på engelsk
2 - Hogarth-versjonen på engelsk
3 - Norsk oversetjing av Hogarth-versjonen

Rekkefølga i lista følger publiseringsdatoane frå Hogarth

Noko anna eg gjer, når eg skriv kortare innlegg som ikkje er "Word-verdige" men likevel er irriterande å måtte skrive oppatt, er å markere og kopiere teksta i tekstboksa før eg klikkar "Lagre" (eller feilklikkar "Svar"). Skulle det bli bom så ligg teksta klar på utklippstava, berre å lime inn igjen.

Sidan eg har gjort den same tabben du nemner ein del gangar, så skriv eg no laaange innlegg i Word, og kopierer og limer til bokelskere-tekstboksa. Det har spart meg for mange omgangar med såpevask av munnen.

Eg har bladd litt i boklista di, og ser at du les ei og anna krimboka av og til. Då har vi jo eit knippe gode norske kvinnelege krimforfattarar. Sjølv har eg lest eit par bøker av både Anne Holt og Monica Kristensen, og har likt dei godt. Andre som eg kjem på i farta som eg ikkje har lest men som eg likevel trur eg gode er Kim Småge, Anne B. Ragde og Karin Fossum.

Selma Lagerlöf trur eg ikkje nokon av dei andre har nevnt. Eg er veldig begeistra for forteljarstilen hennar (har lest berre tre av bøkene hennar enno, dog ...), spesielt Keiseren av Portugallien gjorde inntrykk, den handlar jo om en far sin kjærleik til dattera si, kanskje den vil slå an hjå deg også?

Så ser eg at du har lest Bokhandleren i Kabul av Åsne Seierstad. Likte du den? Det gjorde i såfall eg, men eg tykte En av oss var mange hakk betre. Har handla inn To søstre på Mammut-sal, og håper denne også er leseverdig.

Lykke til med leseåret 2018

Og der, på side 96, passande nok i starten av kapitlet om vedstabling, kjem det famøse sitatet frå Thoreau.

Er det berre eg som ikkje er ferdig med denne enno? Skulle så vere tilfelle, så gir eg litt gass og gjer meg ferdig denne helga.

Nei, bileta var også borte hjå meg.