Bokelskere.no

Sidan du likar krim, kan eg anbefala
Den mørke porten og Linnes dystre lærdom av Lars Mæhle
Sanct Svithuns gåte og Operasjon Siskin av Rune Timberlid

Sjekk gjerne også bøkene til Kolbjørn Hauge og forfattarparet Kroken & Kolden.

Artig. Hittil i år har eg lest 12 bøker - og kan kryssa av for 12 av desse kritera.

Fjorårets nest mest oppskrytte bok. (Den mest oppskrytte var for meg Et helt halvt år)
Dette er egentleg ei fin og spennande historie, men ho vert dessverre skjemd av mange trege skildringar og eit meiningslaust melodrama.

Interessant.
Lesesmaken min har endra seg lite med åra, men erfaringane eg har fått, både i litteraturen og i livet elles, tek eg med meg når eg les bøker. Korleis ein oppfattar ei bok kjem an på den enkelte sin livssituasjon, tenkjer eg.
Når det gjeld Et helt halvt år, er eg enig med mor di, - og om eg forstår deg rett er eg på alder med henne (50+). Eg meiner dette er ei svært oppskrytt bok som er klissete og sentimental. Og mi mor, som er 76, er enig med meg.
Det hadde vore interessant å få greie på alderen på dei som elskar Et helt halvt år. Er det berre dei unge og naive, slik som trådstartar antydar?

Eg har starta året med ein historisk roman, ein murstein på 705 sider: Stormenes tid av Ken Follett. Sidan denne boka er for tung og tjukk for sengelesing, har eg ei krimbok liggjande på nattbordet; Djevelens barn av Chris Tvedt og Elisabeth Gulbrandsen.

Eg les krim, i jula som ellers i året. I skrivande stund er eg halvveges i Elle melle av M.J. Arlidge - herleg spennande og småekkel så langt!
I tillegg har eg lydboka Svøm med dem som drukner av Lars Mytting - og den slit eg med. Eg tykkjer boka er omstendeleg og kjedeleg og skjønnar ikkje all merksemda rundt denne.

Denne helga kjem eg til å følgja med på handball-EM som er i full gang i desse dagar. Handballjentene "våre" byr på spenning, ekte idrettsglede og topp underhaldning!

Men ein får vel lest litt innimellom:
Lydboka for tida er Nullpunkt av Bjørn Olav Nordahl, men den er eg dessverre ikkje heilt nøgd med. Heldigvis snart ferdig.
En sannsynlig historie, ei perle av ei bok frå Karin Alvtegen. Om kjensler, sorg, kjærleik og venskap, fortalt på ein usentimental måte.
Den største forbrytelsen av Marte Michelet. Sterkt og grundig om den norske holocaust-historia. Kritikarrost, tildelt Bragepris - og bør lesast av mange!

Ha ei fin helg!

Eg er ikkje spesielt "julete" av meg, så eg pleier å usette pynting og andre juleførebuingar til eit godt stykke ut i desember. Adventstida er liksom så masete og prega av kunstig mykje kos og altfor høge forventningar. Tykkjer eg.
Når det gjeld helgelesing, så driv eg framleis på med Maurtuemordene av Hans Olav Lahlum. Lydboka for tida er den personlege sakprosaboka Morfar, Hitler og jeg av Ida Jackson.

Dette var ein godt grunngjeven og ærleg omtale. Det var synd at du ikkje fann ut av denne boka. Du bør absolutt gi forfattaren ein ny sjanse; Mengele Zoo er eit godt val av eit eventuelt forsøk.
Nygårdshaug er ein spesiell forfattar med ein særeigen stil og ein absurd fantasi. Eg likte Nøkkelmakeren godt - men har lest svært mykje av forfatten tidlegare.

Eg likar vinteren, og er glad eg bur i eit land der me faktisk har årstider. Eg er ikkje kommen i rett "modus" når det gjeld vinteridrett på TV enno - men har følgd avslutninga av den norske fotballsesongen med cupfinalar både i går og i dag, for hhv kvinner og menn. Gratulasjonar går til Lillestrøm og Molde, som begge vann The Double i år.

Litt lesing vert det også tid til. Eg hyggar meg med tre ulike bøker:
Maurtuemordene av Hans Olav Lahlum - som er den sjette i retrokrimserien om K2 og Patricia
200 år på 200 sider - bokversjonen av Frank Aarebrot si TV-forelesning tidlegare i år
og sist - men ikkje minst - den nyaste boka til Håkan Nesser, Levende og døde i Winsford

Vargskinnet-trilogien (Guds barmhjertighet, Morgen kommer og Skrapelodd) av Kerstin Ekman vart høgdepunkta i oktober. Eit storslagent verk som gav ei spesielt god leseoppleving.

Den boka som skuffa meg mest denne månaden var den nyaste til Haruki Murakami, Fargeløse Tsukuru Tazaki og hans pilegrimsår. Eg kom aldri inn i handlinga, og hovudpersonen var liksom så stakkarsleg og kjedeleg. Eg forventa å få komma inn i ei magisk og absurd verd (som i 1Q84 og Kafka på stranden), men denne er på eit heilt anna plan.

Interessant at me er så forskjellige. Eg MÅ ha lyd. Musikk, kvardagslydar, radiopludring eller annan bakgrunnsstøy. Eg klarar ikkje å konsentrere meg om lesinga dersom det er heilt stille!

Denne helga les eg Ingen er så trygg i fare - den ferske og 19.(!) boka i Varg Veum-serien. Lydboka er Det levende kjød av Lene Kaaberbøl, historisk dansk krim. Innimellom les eg også litt i Den fantastiske reisen til fakiren som gjemte seg i et Ikea-skap, som ebok. Neste bok blir Skrapelodd av Kerstin Ekman - den avsluttande boka i den utruleg fine trilogien Vargskinnet.

Det er hytteliv denne helga - med fyr på peisen, raudt i glaset og pledd og bok på fanget. Stort betre kan ein ikkje få det. Eg les Guds barmhjertighet av Kerstin Ekman; den fyrste i Vargskinnet-trilogien. Veldig bra. Sterkt og brutalt, og svært velskrive.

Eg har sett saman følgjande lesemiks for helga: Nøkkelmakeren av Gert Nygårdshaug, Skråninga av Carl Frode Tiller og Sanger til Willow Frost av Jamie Ford.

Jepp. Men sidan me no har fått tilbakemelding frå admin. om at det vert jobba med saka, så avventar eg.

Eg vurderer no å slette heile greia og forlate Bokelskere for godt.

Her går det i variert parallell-lesing - som vanleg. Hovudboka denne helga er den nyaste frå Unni Lindell; Brudekisten. Etter halvlest bok må eg sei at dette er Lindell på sitt beste! Lydboka eg høyrer på er En uskyldig mann av John Grisham. Innimellom les eg noveller frå Frode GryttensPopsongar.

Etter Brudekisten står Du skal lide av Frode Eie Larsen for tur.

Imponerande. Men ja, det går an å øve seg i multitasking. Eg høyrer forresten alltid på lydbok i samband med busskøyring. Sidan eg jobb-pendlar halvannan time dagleg, får eg "lest" ein heil del på den måten.

Candy Crush er supert som tilleggsaktivitet når ein høyrer lydbok :-) Det er også kabalar og Sudoku, handarbeid, hus- og hagearbeid, bærplukking, samt turgåing og sykling - dersom ein går/syklar åleine. Surfing på nettet funkar ikkje samtidig med boklytting - for meg og min hjerne..