Bokelskere.no

Hei!
Her i huset har det vore svært passivt, både med å lese og skrive.
Les på ei bok eg har spart på ei stund, Hjertet er en ensom jeger, og lurer nesten på om eg må ta den igjen seinare. Så rykkvis lesing gir ikkje fullgodt inntrykk av innhaldet, som skal vere godt.
Håper leseforma stig på same vis som sola- lysare dagar gjer godt!
Ha ein god morsdags-søndag! :-)

Også den boka eg les, eller rettare sagt har lese, er full av markeringslappar i kulørte fargar.
Dei gode tankane er mange, og der er ganske mykje som gjer inntrykk, som nesten må lesast fleire gonger. Har lese nokre av dei høgt til gemalen....
Sidan situasjonen min er som den er, så har eg nok lese boka ut i dag.

Synest innhaldet er best dei første 2/3 av boka...siste delen gav meg ikkje like mykje. Vart nesten litt trist av ei av hendingane der.
Men- ei bok eg skal minnast med glede!

Etter nokre dagar med opphald - eg måtte ta pause, enten eg ville eller ei - så opna eg boka i dag på s 77: VENZIA.
Om eg ikkje huskar feil, så er hovudpersonen Pietro ei einsleg, men ikkje einsam sjel. Han har selskap av hunden Parisha og no og då av Siamak, fattigkaren som manglar tunge men kommuniserer godt.
Sjølve historia om desse tre blir stadig krydra med innslag/ forteljingar som Pietro sjølv har opplevd, eller som han har fått fortalt. Likar forteljemåten, eg...

Ser fram til å lese vidare!

Må tilstå at også eg har tjuvstarta. Eine unnskuldinga mi er at lånetida er kortare enn vanleg (sikkert fordi det er ei ny bok), og den andre er at eg sit med ein broten fot på ein skammel og prøver å korte ned dagen med noko som gir meining.
Utan å seie for mykje, så kan eg sei at eg likar det eg har lese- det er spesielt og dei gode formuleringane er mange.
Bringsværd skriv på framsida at det er ein fragmentroman, som Lillevi skriv om lenger nede. Spennande!

Det ante meg, så boka er alt i hus...bibliotekbok, så har litt avgrensa tid. Men, det går sikkert bra! Er spent på denne, har likt det eg har lese av han før....

Synest også at komposisjonen i romanen er god, og at språket held høg kvalitet (med sin svært konservative,ordrike nynorsk). Likte svært godt første halvdelen med så mange gode skildringar av natur og miljø og forholdet mellom Arnar og Eir!
Siste halvdelen hadde i overkant mykje æresdrap og hevnhandlingar - det drog noko ned for meg.
Men ei sterk bok om sterk kjærleik er det...etter mi meining.

Er enig, Lillevi...eg er heller ikkje sikker på kva eg meiner. Men, historia er god, så vi har bestemt oss for å gi det litt tid. "Gamal vane er vond å venda" seier ordtaket, og sånn er det nok når noko kjent kjem i ny drakt.

Til jul ønska eg meg - og fekk - Når landet mørknar av Tore Kvæven. Stor var skuffelsen då eg opna boka ein kveld i romjula...heldt på å gi opp etter nokre få sider pga av eit svært nynorsk nynorsk!
Men, heldigvis - eg gav boka ein ny sjanse...og det tok ikkje lange tida før eg vart bergteken både av innhaldet og ikkje minst av akkurat språket, stilen. Det er ikkje få merknadslappar som har fått plass ved gode avsnitt og setningar.
No gler eg meg til å få lese boka vidare ....og kanskje igjen lese utsnitt høgt til gemalen. Han likar det han høyrer- trur eg :-)

Etter å ha telt på knappane, blir Hennes løgnaktige ytre av Selma Lønning Aarø mitt forslag.
Det er ei bok som har frista ei god stund, ei bok som handlar om konflikten mellom Knut Hamsun og Anna Munch.
Boka har fått gode kitikkar, og kastar lys over to forfattarar, den eine svært mykje meir kjend enn den andre...iallfall for mitt vedkomande.

Ein biografisk roman som skal vere både historisk og litteraturhistorisk.

..og det ser eg verkeleg fram til! Har lese bøkene fleire gonger, og har sett historia både på film og teater, men dette er stoff som tåler gjensyn! :-)

Det har blitt mindre lesing enn forventa...og det trass i at eg har hatt god tid! Skal no fullføre Et julekvad av Dickens. Alltid like triveleg, det.
Så,har eg såvidt starta på Når landet mørknar av Tore Kvæven. Er spent på om den er så god som eg har fått inntrykk av. Alt skrytet gjorde at den stod høgt på ønskelista til jul.

Ser at Readiggirl20 les "Min historie" av M Obama. Las den før jul, og likte godt, spesielt den delen der ho fortalde om oppveksten sin.
Vil ynskje alle eit godt nyttår 2019! :-)

Sidan jula er svært nær, lurer eg på kva bok eg får denne gongen. Nesten litt tull å gi meg bøker sidan eg har ein "haug" uleste bøker i hylla. Men- veit nok at det kjem iallfall ei...Då vil eg ønske meg Når landet mørknar avTore Kvæven ...eller Alt er mitt av Ruth Lillegraven.
Så får vi sjå....har uansett planlagt å lese litt Dickens i jula.
(Og om du lovar å ikkje sei det til nokon, så har eg kjøpt ein god del bøker til å gi bort i år-MED byttelapp i tilfelle dei blir skuffa!) God jul!

Historiene til dei to fredsprisvinnarane rørte meg så sterkt i dag, at no har eg bestilt boka til Nadia Murad! Ser fram til å få boka i hende, på same tid som eg grur meg til å lese innhaldet!

Heia - til deg og alle andre som kosar seg med ei god bok. Eg er i gang med Min historie av Michelle Obama. Eg fekk så lyst til å lese den at eg kjøpte....Likar det vesle eg har lese godt, ho fortel triveleg om ein ganske normal oppvekst i ei lita, trang leiligheit i Chicago.
Gler meg til å lese vidare.
Då må både du og alle andre ha ei triveleg helg, og ei god adventstid!

Synd at det ikkje ordna seg med julelesnad.....kanskje folk er opptekne med så mykje at dette kom på sidelinja. Eg hadde alt lese, "Snøsøsteren" og Dickens har eg lese fleire gonger før, så om det blir den igjen, det får vise seg. Noko fint skal eg iallfall kose meg med.
Ha ei fin førjulstid!

For ei perle! Sit framfor ein sprakande omn og kosar meg. Er nesten irritert på meg sjølv fordi eg les den no, den hadde vore ei perfekt julegåve til meg.
Mytting meistrar skrivekunsten, ja!
Eg såg han forresten på NRK i går i programmet som Brenner hadde.