Bokelskere.no

Eg likte boka godt, eg! Var så glad då eg fekk låne den av ein ven, og glad for at eg fekk bruke god tid på den, slik at eg kunne legge den bort innimellom!
For meg var var romanen nesten som ein litterær konfekt - sjokolade som smakte godt, men som måtte nytast i små porsjonar!
Men - slik er det med all litteratur: Vi opplever den forskjellig - og godt er det! :)

Hei! Håper det kjem inn fleire forslag- trass i at eg held meg passiv denne gongen. Det kan tenkjast at eg greier å delta i felleslesing av den boka som blir vald, det får vise seg….
Håper å kome sterkare tilbake seinare!

Eg kom så langt at eg henta boka fram- men, dessverre fekk eg store helseproblem, dermed ligg boka uopna. No trur eg at eg berre legg den tilbake sjølv om Murakami er ein av mine favorittforfattarar…..
Håper eg kan bli med på neste felleslesing :)

Leselysta mi har vore svært amputert av div årsaker…så no tok eg fram ein krim Gjemsel av Jan-Erik Fjell.
Til no har den vore litt uryddig, men trur kanskje den kan gi meg leselysta tilbake.
Har mange gode bøker som ligg på vent.
Når mørketida kjem om hausten er det kjekt å kunne kose seg med godt lesestoff!

Er så enig med deg-dette er ei stor bok..på alle måtar! Det er stor litteratur, reine sjokoladen for ein bokelskar!

Flott at du tok på deg «vikariatet» - det er kjekt med denne helgetråden, kan gå litt lesetips her..
Eg har nettopp avslutta JENTE A av Abigail Dean. Eit tragisk familiedrama som gjorde stort inntrykk! Fekk låne romanen av ein ven, og er glad for at eg kan levere den tilbake!
Det er nesten ufattelig at born kan halde fram etter ein slik oppvekst!

Kva eg kjem til å lese meir denne helga er eg usikker på. Har to som ligg halvlest, og som eg faktisk likte godt medan eg las dei..Har også mykje som eg trur er bra som ligg og freistar i bokhylla! Noko blir det heilt sikkert, sjølv om sola skin på ein flott augustdag her i nordvest.
Ha ei god helg!

Murakami er ein forfattar som har skrive mykje bra, ein eg likar svært godt!
Eg har fundert på kva eg skal foreslå, og nokre av dei nye bøkene mine kunne godt ha eigna seg til ein diskusjon, ma «Årene» av Annie Ernaux og «Olive igjen» av Elizabeth Strout.

Så oppdaga eg plutselig at Purpurfargen av Alice Walker har kome i ny utgåve i år. Den boka gjorde sterkt inntrykk på meg den gongen eg las den- den er også filmatisert!
Trur den tåler å bli lest igjen!
Så- den blir mitt forslag!

Hei!
Eg greidde ikkje å stanse meg, viljestyrken er svak når det gjeld bøker.
Så eg skaffa meg Becks siste sommer av Benedict Wells.
Las at den skulle ha litt humor, og akkurat det hadde eg behov for no.
Har ikkje lest mange sidene, men trur kanskje eg kan få litt moro.
Ha ei god helg!

Ser ut som om det er ein praksis eg ikkje har vore obs på før…eg sjekka ei av mine bøker hos Norli, og der var det linka til min omtale på Bokelskere…ikkje berre min forresten, det var fleire som hadde omtalt same boka. Spørs om Norli har fått ein avtale med Bokelskere…alt er kommersielt no for tida …(red)

Red igjen: Under stjernene som er gitt på Norli står Bokelskere oppgitt som kilde: Sitat:
Kilde: bokelskere.no. Terningkast 5 og 6 er slått sammen til 5 stjerner. Se lesernes omtaler av denne boka.

Eg skaffa meg romanen fordi eg hadde fått i gåve hennar neste bok; «Elskeren» - og tenkte det kunne vere greit å lese denne først..men, det har sikkert ikkje noko å bety.
Eg likte deler av boka, Flood skildrar godt tilstanden til Sara, men den store spenninga gav den ikkje meg. Måtte lese alt, likevel.
Kanskje romanen skildrar einsemd meir enn granskinga av ei mordsak. Ikkje akkurat kjedelig, men delvis stilleståande?

Som deg vurderte eg å gi terningkast tre, men enda på 4.

Det er sikkert greit for dei fleste, og kan kanskje også vere aktuelt ei veke før?
Eg innrettar meg etter det som blir bestemt. Du er flink å legge til rette!
…og forresten, er det nyare verdslitteratur som er neste bokgruppe?

Ha ein god sommar!

Eg reagerte også på innlegga- og kom på at for nokre veker sidan var det noko liknande som vart gjort om ein roman som heiter Dr. Stravinsky. Alle gav terningkast seks!

Opplever desse omtalane svært negativt, og veit med meg sjølv at desse bøkene skal eg iallfall ikkje kjøpe/lese!

Hei! Her er det lite tid til lesing no om dagen- mykje familie på besøk, og då vert dei i fokus! Kjekt å få sjå folk igjen som har vore unna lenge pga Corona….
Men - har fått i gåve ma eit par bøker om Olive Kitterdge - og ser no at bøkene har vore filmatiserte. Skal prøve å skaffe meg filmen om det er råd…Det vesle eg har lese til no likar eg godt.

Eg har fleire bøker av Jonas Lie i bokhylla, men det er lenge sidan eg har lese noko av han.

Eg har nettopp fullført del 2 - der Helmi er i fokus!
Ho verka først lei av både arbeid og heimetilhøve- alt er rutiner, ho et- kler på seg det ho finn- går på arbeid- går heim til si vesle, gode Saara. Nesten litt apatisk, synest eg- sorga over han ho har mist er tung å bere.
Eg kvapp nesten fysisk då Helmi kom heim og fann kransen som Jussi hadde bunde- det vart sterkt, symbolsk- peika på at noko vondt kom til å hende….

Trur eg må fullføre resten av romanen i dag…..må sjå om eg finn nokre fleire svar.

Ps- då har eg fullført romanen! Nokre svar fekk eg- men ein del av det som eg oppfattar som symbolikk? det fattar eg ikkje. Er det kanskje eit råd å lese siste sidene opptatt?
Den sakna faren kom litt meir fram i lyset, men eg ser ikkje heilt klart kva lagnad han fekk- heilt fortent….
Skal vente eit par dagar med å levere boka tilbake til biblioteket.

Har nettopp lest ferdig delen med Jussi!
Må sei at eg kjenner meg nesten litt sorgfull. Jussi er for meg ein gut/ kar som er heilt ute i margen av det sosiale selskapet rundt seg. Han har naturkjensler og observerer luktar og lydar i alt rundt seg, nesten på eit nivå med dyr?
Eg får lyst til å hente han og gi han ein klem…

Kinnunen set ord på stemningar og kjensler på ein svært god måte, nesten til den minste detalj! Det vert både godt og vondt å lese.
Håper resten er like bra!

Denne gjorde nesten vondt å lese- kjende meg nesten utsliten etter å ha fullført! Men- som spenningslektyre gir den maksimalt…etter mi meining.
Likevel- ei bok som viser at det gode i mennesket gir reslultat!

Eg har Jordmora i bokhylla- ei bok eg likte godt. Har også fått Skår i hus- bibliotekutgåve! Skal bli spennande å lese!

Hei!
Leseåret har vore nesten som vanleg…det har vore ein god del leseaktivitet med alle restriksjonane som har vore i landet vårt. No ser det heldigvis ut til å gå rette vegen!
Eg skal halde fram med Det åttende livet (til Brilka) som eg framleis likar svært godt. Men den er så tjukk at eg tek pauser for å lese andre ting.
No har eg leita fram Lord Jim av Joseph Conrad som har stått i bokhylla i årevis. Om eg no tek meg på tak og får lest den er eg litt usikker på….men, kanskje…

God helg!

Kjekt at du vil få i gang helgetråden- hyggelig å sjå kva andre kosar seg med i fritida!
Eg les ein murstein: Det åttende livet av Haratischwili- ei bok som er god på mange måtar- både innholdsmessig og språklig! Det er bra at innhaldet er oppdelt i bøker som har fått namn etter den personen som spelar hovudrolla.
Det er mange personar å halde styr på, så for meg er det nyttig å ta pauser mellom kvart «liv».

Er også i gang med Ekko av en venn av Ambjørnsen. Hyggelig å møte Elling igjen. Han er fornøyelig som alltid med sine gleder og sorger

God helg- det vesle som er att!

Denne hadde stått og støva ned i fleire år- hadde ingen forventningar - skulle berre fungere som «tidtrøyte» som me seier i vår del av landet. Men- den engasjerte- fekk meir og meir sympati for den dømte Agnes.
Og det at den er basert på verkelege hendingar gjer den endå meir engasjerande.
Interessant, ja..