Bokelskere.no

Hei! Til deg og alle andre som har ei triveleg stund i selskap med boka si. Eg sit i eit fantastisk, flott haustver, med sol frå knallblå himmel og ein natur som glitrar i alle nyansar av haustfargar. Må nok ut ein tur, men når eg kjem heim skal eg kose meg med Svøm med dem som drukner av Lars Mytting. Den har stått lenge på ønskelista. Det vesle eg har lest lovar godt.
God helg! :-)

Då er eg glad over å ha ei Atwood-bok på "skal leselista" mi! Tjenerinnens beretning rykker fram i køen! :-)

Kan nok ikkje gi deg noko råd om Solstad, sidan eg er ganske uvitande om forfattaren. Men synest det var artig at du nemnde han her, for eg fekk den nyaste boka hans om Bjørn Hansen i gåve for nokre dagar sidan.
Eg skjønte at eg sikkert burde lese dei to første, så i går gjekk eg til biblioteket som hjelpte meg med å finne fram. Fekk lest ca halve av "Elevte roman, bok atten" i går (snåle titlar, forresten) - og hittil har eg mora meg i selskap med den godaste Bjørn Hansen. Han framstår ikkje som ein A-4 person, men det gjer no ikkje forfattaren heller.
Skal bli spennande å verte betre kjend med både forfattar og hovudperson i romanane.
Lukke til til deg også!

Har gått nokre runder med meg sjølv, og terningen landar på JA. Eg blir med......freistinga er for stor!
Mitt forslag blir ei bok eg ikkje har det minste peiling på, Tjenerinnens beretning av Margaret Atwood. Ser at det er ein dystopi (er eigentlig ikkje så glad i den typen bøker), men den har fått ganske gode kritikkar og skal vere filmatisert.
Elles så er forfattaren heilt ukjend for meg, men ser at det nyleg har kome ein oppfylgjar til Tjenerinnen..

Til deg Kjell og alle andre gode lesevener her inne: Beklagar at eg har vore taus ei stund. Av div årsaker kjem eg til å halde meg stilt i bakgrunnen ei tid - så får eg sjå kva eg gjer etterkvart. Lukke til med alle felleslesingar og gode diskusjonar. :-)

Er nokre sider inne i ei verd som både er framand og kjend- framand fordi det enkle, krevande livet er så langt borte , og kjend fordi stadnamna er ikkje langt frå min heimstad. Det kom heilt overraskande på meg, måtte faktisk sitere litt for gemalen i går.

Ser ut for at dette er noko eg kan like. Det er annleis språkleg med mange språklege bilde som nesten er poetiske. Skal bli kjekt å fylgje den vesle nyfødde som er så etterlengta der han ligg ved mor sin varme barm.
Skal lese vidare i ettermiddag, gler meg..

Boka mi ligg klar! Gler meg til å lese og diskutere! :-) ....og igjen seier eg til deg Kjell: Hjarteleg takk for at du legg til rette for samlesing av mange gode bøker!

....og eg er glad for at rebellen vann! Skal gå på biblioteket og skaffe meg boka i dag! Har heldigvis litt godt å lese før samlesinga tek til :-)

Her har vi haustdag med ein himmel som vekslar mellom blått og grått. Glad det ikkje regnar, for det har vore temmelig vått nokre dagar.
I lesestolen vekslar eg mellom Historien om Ásta av Stefansson, og Leksikon om lys og mørke. Den siste er repetisjon før diskusjon i lesesirkel.
Begge to vil gi gode lesestunder, meiner eg.
God lesehelg til deg og alle andre! :-)

D'er haust. Det ruskar ute med regn og kalde vind. Småfuglen flyg mot rute og ville gjerne inn. - Frå Veslemøy ved rokken av Garborg. :-)

Lurte litt på kva som skulle vere mitt forslag denne gongen - men trur eg landar på Bli Bjørk av Mette Karlsvik.
Det er ein roman eg har hatt lyst til å lese, men som har hamna litt i bakleksa. Boka har fått gode kritikkar og handlar om ein islandsk artist og om folkelivet på Island ( etter det eg kan lese om).
Samlaget presenterer den prisnominerte boka slik:
"Med stor og begåva innleving skildrar Karlsvik personane og samspelet deira med naturen og kvarandre. I eit elektrisk, musikalsk og humoristisk språk får vi oppleve naturen, kulturen og samfunnet på Island på andre halvdel av 1900-talet. Dei små, daglegdagse hendingane i romanen blir fletta inn i dei store internasjonale...."

Nok er NOK!! Om du eller andre vil diskutere islam, så oppmodar eg deg og andre om å finne eit anna forum for diskusjonen!
Eg er meir interessert i å lese om bøker, romanar, noveller.... - og andre sine meiningar om dette. Diskusjonar om religionar vil alltid ha ulike meiningar, og der er alltid mange sterke verdisyn.
Dette bør finnast andre fora for!

No har dette eskalert slik at eg vurderer å kutte ut all mi deltaking her.

Mvh
"Hilda"

Eg har nettopp fullført krimboka Likblomsten av Anne Mette Hancock. Til å vere ei debutbok var den slett ikkje verst. Nokre minus, men spenninga var god nok.

Så har eg henta Historien om Ásta på biblioteket.
Har lese nokre bøker av same forfattar før, og har likt dei fleste. Håper at denne kan gi ei god lesestund.
Ha ei god helg!
(PS- skal faktisk på cruise i ein vestlandsfjord i morgon, så då spørs det om eg får lese så mykje akkurat då :-) )

Er verkeleg glad fot å ha denne boka i hylla- kanskje eg skal prioritere å lese den igjen i haust! Ha ein god søndag, Lillevi! :-)

Eg skriv under på den anbefalinga, Lillevi!
Ei bok som er ein av mine favorittar!
Elles er det så godt å lese eit innlegg som er enkelt å tyde, og som er reint litterært.
(Har nokre dagar no vurdert å legge Bokelskere "på is" - her kjem litt for mange innlegg som har lite her å gjere. Det er alt anna enn greit- etter mi meining!)

Etter å ha fullført Ut av ensomheten av Benedict Wells - som eg likte godt (synest han fekk fram kva familie betyr når sorga tek tak) - så starta eg på krimboka Dvalen av Camilla Grebe. Situasjonen min gjorde at eg kunne lese nesten utan avbrot i fleire timar i dag, så dermed las eg heile boka.
Den hadde rimeleg mykje spenning mellom permane, men sjølve hendinga verka noko oppkonstruert på meg. Litt usannsynleg, nesten...

Når eg no i ettermiddag skulle finne ei ny bok, så lurte eg litt på Singer sine bøker om familien Moskat. Dei står på vent i bokhylla. Ventar kanskje litt, er redd det er tungt stoff..kva meiner du
Jostein??
Uansett, det manglar ikkje på gode alternativ, trur eg.
God helg, det vesle som er att av den :-)

Ser fram til gode bøker og gode diskusjonar! :-)

Dette var sterke saker, ja! Eg vart imponert over både språk og skildringar av så mange vonde lagnader i ein ekstrem situasjon! Også imponerande at han greidde å flette inn humor. Han ser ut til å ha gode bakgrunnskunnskapar.
Ei svært god bok, som eg nesten gav seks!

Veret er flott også i min del av landet, i nordvest! Var svært fornøgd då eg kunne hente Medusas flåte på biblioteket, men etter nokre kapittel vart innhaldet så fælt at eg heldt på å gi opp. Tvinga meg sjølv til å fortsette, og det er eg glad for. Boka er god, og trur eg kjem til å huske innhaldet i lang tid framover, sjølv om det er ille å lese om fortetta menneskeleg vondskap. Heldigvis er der også både godt språk og humor!

Så greidde eg ikkje å la være å få i hus Ut av ensomheten av Benedict Wells. Har såvidt begynt på den, og kjenner at det vert triveleg, svært triveleg- noko eg kan kose meg med.

Ønskar både deg og alle andre leseglade ei god helg! :-)

Eg vart nesten "satt ut" etter å ha lese Eg får aldri sjå verda igjen
Trist, lærerik, poetisk om ein trist lagnad. Han skriv godt!