Bokelskere.no

Eg las denne boka (The Mill on the Floss) for mange år sidan. Blei fengsla av skildringa av søskenparet Maggie og broren Tom som vaks opp i ein middelklassefamilie i viktoriatida. Boka har mange sjølvbiografiske trekk. Maggie, som George Elliot, er intelligent, idealistisk, ukonvensjonell og glad i litteratur. Ho kom ofte i konflikt med omgivelsane. Ein gripande roman, ein klassikar, som står på "skal lese igjen-lista" mi.

Eg har alle Vera Henriksen sine historiske bøker, trur eg. Ho gir ei realistisk, interessant og truverdig skildring av historiske personar og hendingar. Særleg omhandlar bøkene hennar brytningstida då norrøn gudetru måtte vike for kristendommen. Eg lika godt skildringane av kvinneskikkelsane, historiske og fiktive. Det er flott at det blir ei fornya interesse for bøkene hennar!

Det blir i så fall romanar som IKKJE eg skal lese! Grøss og gru!

Leo Afrikaneren var den første boka eg las av Amin Maalouf. Lika boka veldig godt, og las etterpå fleire bøker av forfattaren, - ein forfattar eg set høgt. Eg lika Leo Afrikanaren best, og har tenkt å lese boka ein gong til. Etter den gode anmeldelsen din, er eg freista til å gjere det snarleg.

Eg hadde planlagt ei koseleg lesehelg i regnveret, men dei forferdelege hendingane i går har teke lysta og konsentrasjonen.....

Vil seie at dette var eit uventa utsagn av ein vismann som Platon.

Berre øv i vei, du blir betre etter kvart. Ei kryssordbok vil òg hjelpe deg.

Da har du en stor leseopplevelse foran deg :) Det er mange som også har sammenlignet Robertis med Allende og Marquez!

Eg lurer på om det er mange bokelskerar som er glade i å løyse kryssord. Sjølv elskar eg kryssordoppgavene til Rolf Hansen i Dagbladet onsdag og laurdag, men løyser mange andre oppgaver også. Fin avkobling ved sida av lesinga!!

Dette var spennende altså...fy søren, den mannen kan holde på spenningen!! Gleder meg allerede til neste bok som kommer i 2012!!

DE SMÅ GLEDER

Smaken av heimebakt rugbrød
med duftende sprø skorpe,
nykjernet smør, saltdugget
med klipt graslauk i
tidlig en sommermorgen
når skyggen av lauv
famler over voksduken på kjøkkenbordet -

selv om du ikke hadde opplevd mer...

(Hans Børli)

Einig i at dette er ei herleg bok! Ein blir gripen frå første side. Vi får litt etter litt eit bilete av ei mor som levde for at familien hennar, - ja, andre òg -, skulle ha det godt. Men det går ikkje opp for dei før det er for seint, kor viktig ho har vore i livet deira, og nå angrar dei på korleis dei har vore mot henne. To av stemmene vi høyrer er skrivne i 2. person, ein i 3. person og mora sin stemme i 1. person. Litt forvirrande heilt i byrjinga, men det fungerte etterkvart fint. Dette er ei fin og tankevekkjande bok, som nok vil sitje i lenge. Anbefalar henne på det varmaste!

Flott anmeldelse! Har sett lesaranmeldelsar om boka på amazom.com. Der fekk ho 4 1/2 stjerner i snitt (av 5). Eg lika boka godt. Forfattaren har tydelegvis gjort grundig research. Ved sida av ei interessant historie, får vi kunnskap om kinesisk historie og samfunnsliv frå første del av det 20 århundre. Språket flyt lett og karakterane er truverdige.

Eg vil anbefale Garman og Worse av Alexander Kielland (beskriv bymiljø i 1870-åra) og Familien på Gilje av Jonas Lie (beskriv livet i ein embedsmannfamilie i 1840-åra). Elles har vi jo Hamsun med fleire fine bøker....

Ta vare på mor av Shin Kyuns-sook
Bruno politimester av Martin Walker
Hoggerne av Roy Jacobsen

Eg har og denne boka. Flott bok med god lyd. Det er lettvint med fuglesongen i sjølve boka. Interessant for store og små familiemedlemmer.

Litt av ei liste! Det verkar spennande. Eg vil gjerne bli med på lesinga av ein del av bøkene. Nokre har eg lese før, men det er ein del år sidan. The Pickwick Papers er bestilt. Heile programmet kjem eg ikkje til å følgje, for det er så mange andre bøker på "skal lese"-lista mi.

Eg har lytta til Juni Dahr si ypperlege opplesing av Lykkelige dager og har storkosa meg med det. Sigrid Undset har gitt ei fin og varm skildring av familielivet på Bjerkebekk gjennom eitt år. Vi får også passande glimt frå norsk historie og kulturliv undervegs. Er einig i at boka ikkje høver så godt for barn av i dag, men mange vaksne vil nok ha glede av å lese henne.

Eg las denne boka på to regnfulle dagar på hytta. Ja, her var sanneleg mykje drammatikk! Til tider "over the top". Ein del av hendingane var ikkje heilt truverdige, og karakterane noko overflatisk framstilte. Men som underhaldande, lettlesen ferielektyre kan ho nok slå an.