Bokelskere.no

Her vart det litt elle/melle- men trur eg landar på ei bok som eg nyleg har lese; Tabita av Iben Mondrup.
Boka gjorde djupt inntrykk på meg, så sterkt at eg kjøpte den på den lokale bokhandelen etter å ha lånt den på biblioteket.

Innhaldet er frå Grønland og Danmark og handlar om små born som vert tvangsadopterte til danske adoptivforeldre. Dei vart nekta å snakke morsmålet, og fekk ikkje uttrykke at dei lengta etter si grønlandske mamma...
Forfattaren har budd på Grønland, og sjølv om dette er ein roman har liknande hendt: I 1951 vart 22 grønlandske born sendt til Danmark for å bli danna menneske...
Ei bok eg kjem til å lese igjen sjølv om den ikkje blir utvald...

Boka har lagt klar til å lese ganske lenge...men, dessverre så var det andre bøker som lokka meir...Trur årsaka må vere at eg las denne i dystopisk lesesirkel for 5 år sidan.(Ps...eg las første kap, men det tel ikkje...)

Boka er god, ein klassikar som har vore viktig i verdslitteraturen.
Håper at resten av gruppa har fått ei positiv oppleving- trass i eit innhald som ikkje er av det mest positive!

I tilfelle diskusjonar med koronaskeptikarar og vaksinemotstandarar kan ein finna mange saklege og nyttige argument i boka Epidemier (med undertittel en natur- og kulturhistorie). Boka kom ut i 2002 og er på ein måte "utgått på dato", men på den andre sida har ho fått ny aktualitet i samband med den pågåande pandemien. Det var nok også grunnen til at forlaget ga ut boka på nytt i 2020.

Forfattaren Jan Brøgger (1936-2006) var psykolog og sosialantropolog og gjer i boka greie for kva epidemiar og pandemiar har hatt å sei for utforming og utvikling av samfunnet. Han viser også til at folk gjennom tidene alltid har jakta på alternative løysingar og syndebukkar i slike høve. Konspirasjonsteoriar er nemleg ikkje av ny dato: I den mørke mellomalderen vart gjerne sjukdom og pest forklart med syndig livsstil og hekseri, og elles har jo jødane fått skulda for det meste..

I dag ser me at konspirasjonsteoretikarar meiner at Covid 19-viruset ikkje finst og at koronaen er ein del av "ein større plan" og at det liksom skal vera "ein skjult agenda" bak pandemien. Enkelte av desse skrullingane hevdar at koronavaksina ikkje er ei vaksine, men ei giftsprøyte. Sprøyta/vaksinen inneheld aborterte foster og microchip'ar og gudane veit kva andre skrudde teoriar som er lanserte. Og slik held dei på i sine eigne ekkokammer, med andre liknande misvisande og feilaktige opplysningar.

Men eg tenkjer: Takk og lov for at det finst vaksinar! At me er blitt kvitt fryktelege sjukdommar som kopper, kolera, poliomyelitt og tuberkulose skuldast sjølvsagt at dyktige forskarar og vitenskapsmenn- og kvinner har utvikla vaksinar - og at folk flest no er vaksinerte mot desse sjukdommane.

Når det er sagt: Eg skjønnar at folk stiller spørsmål om bivirkningar og er litt usikker på om ei vaksine er trygg. Ein er ikkje konspirasjonsteoretikar om ein er skeptisk. Men då må ein søka opp vitenskapeleg faktainformasjon og ikkje støtta seg på lugubre Facebook-grupper, liksomdoktorar og "Youtube-universitetet".

I min smak også.

Kunsten er å gi seg selv
litt pusterom.

Tenk på de sorgene
du har følt
som har gjort deg mykere.
Tenk på de sårbare øyeblikkene
som har gjort deg sterkere.

Tenk på de alle valgene
som har gjort deg klokere.
Vit at du har fortsatt å vokse
fortsett å utvikle deg.
Og vær stolt av det.

Stein-Roger Olsen

Ja ha kontroll over hva som er i maten. samt tilsette krydder etter smak i majonesen som tilfører resten av maten en fyldigere smak.

Denne gangen kjøpte jeg - Cook with confidence av Wil Yeung. Ikke det at jeg er vegan, men jeg liker grønnsaker. Jeg følger han på YouTube og spesielt denne gangen hvordan lage en god majones. (https://www.youtube.com/c/WILYEUNG/search?query=mayonnaise)

Enig!

Her hos oss er det strålande vårver- mange sit ute i solveggen og kosar seg med boka si, eller noko anna....
Eg har tatt fram Drapet på kommandanten av Murakami. Kjøpte boka/bøkene på Mammut, og har greidd å spare dei til no. Murakami er ein forfattar som skriv så spesielt og nesten irrasjonelt- ein stil som eg likar veldig godt.
Tvilar på at det blir så mykje meir denne helga- må bruke litt tid på friluftsliv også.

Ha ei god helg der du er- og ein fin nasjonaldag!

Har såvidt fått starta- har lese kap 1 med «Kaptein van Tochs merkverdigheter.»
Teksten er sterk, med heftig språkbruk og ytringar som peikar på raseskilje - både av kapteinen og mannskapet på skipet.
Dei uhyggelig skapningane lever i havet, viser det seg, og skaper redsel hos dei som skal dykke ned for å jakte på vakre perler...

Når eg blar i boka ser eg mange uvanlege kap som eg hadde gløymt...
Ser fram til god diskusjon.

Eg har fullført - og trur eg må påstå at dette skal vere noko av det mest spennande, grusomme og vonde eg nokon gong har lese!
Så mykje vondskap samla mellom to permar er heldigvis ikkje vanleg.
Boka er god- utan tvil- og skildrar det optimale av menneskeleg - eller umenneskelege handlingar mot små born.
Som eg sa- meg gjorde det fysisk vondt å lese.

Eg er likevel glad for å ha lese romanen, som heile tida hadde håpet og kjærleiken som menneskeleg styrke.

Eg måtte berre ta meg ei pause frå denne grusomme historia no i kveld.....det gjer nesten fysisk vondt å lese om så mykje vondskap der gjerningsmannen skal straffe kvinner ved å angripe uskuldige barn.
Litt uvirkelig, men svært spennande. Skal fullføre i morgon....trur eg...

Denne gjorde verkeleg inntrykk!!
Det gjorde vondt å lese om ein så dysfunksjonell familie der løgn og frykt pregar så stor del av kvardagen! Tragisk, men godt skildra!
Eg seier meg enig i din omtale av innhaldet i ein så viktig roman om emne som er lite kjent!

For nokre år sidan las eg «Salamanderkrigen» her inne på Bokelskere i den dystopiske lesesirkelen. Men..boka er ein klassikar...ei god bok som ganske sikkert toler eit gjensyn. Har funne boka i hylla. Så- sannsynlegvis vil eg delta denne gongen med...

• Det var ikke alle bøkene som fenget meg like mye. Men for en research hun må ha gjort.

Denne er lita, lett- men med viktig innhald! Ei god bok som eg var så heldig å få av ein god ven!

Gleden

Den frostbrente gleden ved livet
søker deg ved vadestedene,
ved leirbålene, ved korsveiene,
alltid –
Selv i sorgens dager,
selv i motgangens bratte døgn
og våkenettenes martrende timer
søker gleden deg, kvidende
lik en trofast hund
som løp med blødende poter gjennom
rimfrosten
og svømte mellom isflakene i strie elver
for å finne sin husbond.

Hans Børli

Hei! Har leita litt i bokhylla for å finne eit godt forslag, og hadde først tenkt å foreslå «Hva nå, lille mann»- ein god roman som fortener å bli lesen i lesesirkel.
Men...medan eg leita kom eg over Midaqqsmuget av Naguib Mahfouz- første gong utgitt i 1947.
Forfattaren fekk Nobelprisen i litteratur i 1988.
Romanen skildrar det fargerike miljøet i ei gate i Kairo. Menneska han lar oss møte er alt frå stolte, vakre Hamida, Salim som er direktør for eit større agentur til Zayta som livnærer seg av å gjere fattigfolk til dyktige tiggarar mm. Boka er full av humor og ironi- eit fargerikt mangfald.

Denne påska har vore uvanleg på meir enn ein måte! Men litt lesing har det blitt. Starta med «Den stille uke» av Sven Petter Næss. Den hadde ein god dose spenning og var betre enn eg hadde frykta.
Så starta eg på Hvit død av Robert Galbraith.
Den hadde eg «spart på» skulle kose meg med ei skikkelig tjukk bok.
Det har gått litt treigt- lite action no i starten iallfall. Men, synest det begynner å ta seg litt opp no etter nesten eit par hundre sider. Håper eg skal få fullført den no dei siste dagane.....har mange bøker på vent som eg gler meg til!

Ei god påske til alle- det vesle som er att!

Det er påskestemning i heimen- trass i merkeleg coronatid. Og i påska er krim heilt sjølvsagt her i huset. Har vore på bokhandelen og kjøpt ei tilbodsbok: Den stille uke av Sven Petter Næss. Ein norsk forfattar som er heit ukjend for meg. Har såvidt starta, og det verkar ok- sjølv om språket nok kunne ha vore betre redigert..

Har også ei anna krimbok på vent: Hvit død av Robert Gailbraith. Veit ikkje stort om den, anna enn at forfattaren er ansvarleg for Harry Potter bøkene.

Og om ingen av dei fenger, så har eg nokre krimperler i bokhylla som heilt sikkert toler ei gjenlesing.
Ha ei god helg, kos deg med boka di! ..og God Påske! :-)