Bokelskere.no

Var i utgangspunktet skeptisk til boka, og eg hadde definitivt ikkje kjøpt ho, - men kva har ein biblioteket til, om ein ikkje her skal prøve seg på ei bok ein er litt usikker på om ein likar? Og eg har absolutt sans for bøker fulle av mystikk, filosofi, religion osv., - men eg gav opp Gravlunden.

Kanskje eg gjer eit nytt forsøk ved eit seinare høve.

Eg fekk same tilbodet, betalte kun porto for Pixley Mapogo av Tore Renberg.

Dette høyrest rett koseleg ut. Ha det festleg folkens! :)

Slakt engasjerer! Bra!

Eg tykte boka var grei nok, men hadde forventa at ho var betre etter all rosande omtale frå ymse anmeldarar.

Det virkar for meg som om forfattaren her prøver å bygge opp spenning og uhygge som ikkje vert utløyst eller innfridd.

Interessant liste. Har lese 27 av bøkene.

Berre meg som har denne visst..!?

Ei bok eg plukka med meg frå ein Rimi-butikk i fjor. For meg var forfattaren ukjend, men omslagsteksten kunne tyda på at boka kunne vera ei grei reisebok. Dessutan pleier dansk krim å vera lesbart.

Boka vil eg karakterisera som ein femikrim. Ikkje feministisk, men meir i dameroman/"chick-litt"-klassen. Slett ikkje ei dårleg historie, men det vert litt mykje "damestoff". Hovudpersonen, ein kvinneleg journalist, kan minna om Marklund si Annika Bengtzon og Läckberg si Erika Falck. Eg tippar Egholm har henta inspirasjon frå desse.

Boka fungerer absolutt som reise- og sengelektyre, og eg ser ikkje vekk frå at det kan bli kjøpt fleire pocketbøker i denne serien.

Langfri for meg som er kommunetilsett òg..!

Inspirert av Nostradamus' testamente, som eg nett har lese ut, har eg starta på ei ny historisk/mystisk bok, nemleg Den hemmelige nattverden av Javier Sierra. Denne prisbelønte romanen (spansk tittel La Cena Secreta, eng. The Secret Supper) hamna i 2006 på Topp Ti-lista til The New York Times Best Seller list og er utgjeven i 42 land.

Elles er det nyare nordisk krim eg likar aller best, så eg les også (som lydbok) Dødens disippel av det svenske forfattarparet Michael Hjorth og Hans Rosenfeldt. Sistnemnde var ein av manusforfattarane til den gode svensk/danske TV-serien Broen som gjekk på NRK tidlegare i år. Dette er bok nummer to i ein planlagd serie på fem, og desse bøkene er verkeleg svensk kvalitetskrim som eg kan anbefala på det sterkaste. Den fyrste boka har tittelen Mannen som ikke var morder.

På vent har eg - pussig nok - to "ild-bøker": Ildmannen av Torkild Damhaug og Ildvitnet av Lars Kepler. Gledar meg til å lesa begge.

Harry Potter-bøkene er glimrande. For barn.

Ildvitnet av Lars Kepler vart lasta ned som Mp3-fil i går. Kjøpt i nettbutikken til Ark.

Dracula av Bram Stoker. Frå 1897, og er vel den boka alle dei nyare vampyrbøkene og -seriane bygger på.

Flott!

Akkurat ferdig med boka, og kan oppsummera med at det er ei velskriven bok med ei elegant blanding av fakta og fiksjon. Ei forteljing som inneheld store spørsmål og overraskande svar.

No er det på tide å "rydde opp", dvs. å gje karakter og å setja boka i rett hylle her inne. Men det er vanskeleg. Førebels har eg sett boka i hylla for "Norske romanar". Ser at ho vert presentert som ei krimbok, men det er ho slett ikkje, etter mi meining. Eg nøler også med å setja ho i spenning/thriller-hylla, sjølv om ein kunne ane noko Carl Hamilton-aktig til tider.

Terningkast 5

Svensk kvalitetskrim! Fortener fleire lesarar!

Samd i at Ivar Nergaard er ein glimrande opplesar, han gjer denne boka til ei sjelden god leseoppleving.

Eg er i Basilica di Santa Croce di Firenze, ved Michelangelo sitt gravmonument, i 2012.

Nostradamus testemente - Tom Egeland

Det er litt unaturleg å omtala ei bok før ein har lese ho ut, men likevel...:

I skrivande stund har eg lese omlag halve boka (290 sider av totalt 600), og det er eit imponerande stykke arbeid Tom Egeland har nedlagt her.

Dette er ikkje ei bok du tek med på senga. For det fyrste er ho altfor tjukk og tung til det, og for det andre krev boka at du er heilt vaken når du les. Her er massevis av informasjon; namn på personar og stader, merkelege kodar, gamle manuskript og mystiske spådommar, hendingar på ulike stader og til ulike tider, samt mord og drap og kidnapping. Verkeleg ei bok for vidarekomne, på ein måte. På den andre sida er Egeland ein så dyktig historieforteljar at boka likevel er lettlest.

Dette er den fjerde boka med arkeologen Bjørn Beltø som hovudperson. (Dei andre er Sirkelens ende, Paktens voktere og Lucifers evangelium). Beltø er både helt og antihelt; ein fin og sær type.

Boka er "Da Vinci-koden"-aktig, men eg har meir sans for Tom Egeland enn Dan Brown!

God natt, elskede av Fredrik Skagen. Lettlest krim med handling frå Trondheim.

Enig. Snøstorm og mandelduft var ei svak bok. Men Englemakersken held eit godt og velkjent Läckberg-nivå. Spennande og fascinerande med fleire historiar som vert nøsta opp til slutt. Lettlest. Terningkast fem.

Original historie, der fortida til hovudpersonen vert avdekka litt etter litt. Likevel - ikkje så spennande som forventa. Handlinga går litt tregt til tider.

Høyrde boka som lydbok, og Nina Woxholt gjer ein grei jobb som opplesar. Landar på terningkast fem, - men ein svak femmar.

Slett ikkje verst. Lettlest og grei og ganske så spennande historie med handling frå Grenland. Bok nummer to der NRK-journalist Mette Minde er hovudperson. Vurderte ei stund å gi boka terningkast fem, men det er ikkje alt i handlinga som "heng på greip", - så konklusjonen vert ein firar.

Merete Junker føl elles ein fin tradisjon med bokstavrim-namn på krimhelten sin; frå før kjenner me t.d. Varg Veum, Orla Os, Bjørn Beltø, Aron Ask, Morten Martens og Harry Hole.