Bokelskere.no

Eg likte boka veldig godt. Usikker på om dette er krim, iallefall er det ei bok om einsemd og kjærleik og fyrst og fremst ei kjensleladd bok.

Boka er velskriven og eg synes det var ein del spenning i boka fram til dei bestemte seg for å reise til syden. Deretter vart det ganske forutseieleg og eg synes slutten var eit antiklimaks. I beste fall er boka eit skrekkeksempel på kor gale det kan gå når to så ulike treffes. Når det gjeld Jonas Eckel er det uvisst kva han er i stand til, men ho på sin måte og han på sin, så var det ikkje så veldig mange utvegar kanskje?

Eg likte boka veldig godt. Vi følger ei ulvetispe og flokken hennar gjennom kvar månad i løpet av eit år. Ulvane sin atferd og kommunikasjon ilag med skildringane av naturen gjer boka levande og lettlest.

Eg likar fyrst og fremst dei fine miljøskildringane og personskildringane i boka. Den avmælte humoren ligg også ikkje langt frå overflata, men ilag med eit alvor som gjer at Veum har ein fot i livet sine skuggesider og den andre i vittet og humoren sin og ein hjartets godheit.
Staalesen klarer å halde lesaren interessert og bry seg om Veum og det han styrer med.

Lenge sidan eg las boka, men av ein eller anna grunn hugsar eg delar av ho framleis og tenker på ho innimellom. Trur trygt eg kan anbefale boka.

Vakker bok om ei 1.generasjons innvandrarmor som slit med tunge tankar og lengtar heim. Så finn ho ein ny hobby i å sy vesker, og ho lagar seg vesker som ho har ting i, og som får stor tyding for ho og gjev ho eit haldepunkt i livet. Fine teikningar, og enkelt, men treffande språk.

Ei forteljing om beinharde vikingar på tokt opp gjennom Kongofloda. Eg ser absolutt ingen grunn til at ikkje alle nordmenn bør lese denne boka. Nydeleg nynorsk og ei reise i ei for lengst svunnen tid som likevel ligg i blodet vårt

Kan knapt bli betre. Vakker og poetisk nynorsk og handling til eksotiske Grønland på 1300-talet der vi kjem nært på folk i skjæring mellom gamletrua og kristendomen og der naturen og dyra står framfor oss i klare bilde. Vakker bok som eg ikkje hadde lyst skulle ende.

Utruleg vakker bok på alle måtar. Kjenpefint og varmt illustrert og ei historie som er grunnleggande mennneskeleg. Ein skatt heilt klart!

Eg likte boka godt. Ho er dystopisk og det endar ikkje godt for dei fleste i historien. Likevel er slutten for meg håpefull. Kanskje ein ny start i aska av alt som var?

Dette blei for mykje mellom linjene og for kjedeleg. Det er nok meg det står på. Jon Fosse er ein gud, visst nok. Siste sida av boka vakte noko i meg, men eg hadde forta meg gjennom og skumlese. Det er som om lesaren må lide seg gjennom for å forstå lidinga i boka.

Hei, Nick! Interessant synspunkt. Kan du forklare kva du meinar?

Einig. Ei av dei beste og mest gripande bøkene eg har lese.

Eg og likte boka godt. Eg lurer på kva som skjedde på slutten. Innbiller han seg at han snakkar med son sin, Per, og er komen heim? Eller vender han faktisk heim til kona og barna?

Kjempebra bok! Fine bilete, illistrasjonar og enkelt, men godt språk. Grevlingar er kule!