Bokelskere.no

Einig med Marit dette kan ikkje vere nyttig for mange.
Ingen av dei 32 bokelskarane som var lista opp på mi side, har lese meir enn 30 bøker. Og dei bøkene som er til felles er stort sett av populærforfattarar som til dømes Jo Nesbø, Dan Brown og Camilla Läckberg. Dette er forfattarar som seier lite om min lesesmak.

Det er betre å vise ei liste med bokelskarar etter kor mange bøker ein har felles fordi:
1.) Ein då gjerne vil få opp bokelskarar med store boksamlingar. Slike samlingar inneheld ofte mykje snadder!
2.) Bokelskarar med store boksamlingar er gjerne aktive brukarar med ei "dynamisk bokhylle"

Det er klart at bokelskarar som har lese manga bøker ikkje nødvendigvis vil ha lik lesesmak med dei som dei deler felles bøker med, men dette er vel på ingen måte noko problem.

For å finne bokelskarar med lik lesesmak må ein nesten berre gå inn på dei bøkene ein er interessert i å finne andre følgarar av, å trykke på dei. Dette har jo vorte enklare sidan det no vert vist portrett av brukarane som følgjer boka på sida med bokinformasjon.

Men, eg saknar å kunne søke i "Bokelskere" etter brukarar med felles bøker

Det kan vel heller ikkje stikkast under ein krakk at Dan Brown er ein ganske elendig forfattar. Har ein lest ei bok av han har ein lest alle.. Det einaste gubben er god til er å lokke vidare med små klippehengarar. Ein føler vel seg kanskje også som eit esel som traskar etter gulrota utan at grønsaken kjem noko nærare.

Grupper ein kan melde seg inn i for å diskutere spesifikke emner som ikkje er av interesse for alle. Det som vert skrive i gruppene vil berre vere synleg for dei som er medlem av gruppene. Eg trur dette hadde vore ein fin måte å diskutere emner ein brenn for, med likesinna, utan å tenkje på at ein "plager" andre med lange diskusjonar om "uinteressante" emner eller at ein fremstår som litt.. eksentrisk fordi ein til dømes likar grafiske romaner.
Det har jo også vore ein del leseprosjekt her inne (t.d. alt av Shakespeare prosjektet og alt av Ibsen prosjektet). Det å få dette samla på ei gruppeside vil gjere diskusjonane meir oversiktlege, og lettare å finne for dei som er interesserte. Sikkert ikkje heilt enkelt å få til..

Ja også hadde det vore fint med ein eigen diskusjonskategori på startsida for dei som likar å diskutere andre ting enn bøker... (til dømes hekleoppskrifter, blomstergjødning og gardiner)

I går kveld vart eg veldig skuffa då eg logga inn på bokelskere, det var rett og slett for mykje nytt."Kvifor endre på noko som fungerte i så stor grad? No har eg brukt litt tid på å sette meg inn i det nye, og skal prøve å kome med ei konstruktiv tilbakemelding.

Eg likar det som er gjort med profilsidene, men synes informasjonsbaren (Bokhyller/Vis/Leseår) burde flyttast tilbake til høgre side av estiske (og sikkert konservative) grunner. Eg sakner også dei koselege terningane. Eg lurer også på om menyen med "Vis" (altså kor mange bøker ein har lese, mengde med favoritter osb..) burde vore flytta til profilsida. Det var også litt kronglete å kome inn på sjølve boksamlinga. Artig med eigendefinerte sektordiagram. Er det mogleg å få den til å tilbakestille til standarfargar etter at ein har endra dei? Ja også var det litt dumt at ein ikkje kan endre fargen på usorterte bøker.

"Finn bøker": Eg likte det betre når dette berre førte deg til boksøk.

Eg likar ikkje layouten til sidene med "bokvisning". Problemet her er at Bokdetaljene, som etter mitt syn er den viktigaste informasjonen som skal visast har vike plass for "Bokelskeres terningkast" som er lite nyttig informasjon. Andre bokelskeres terningkast har, slik eg ser det, liten verdi. Som argument kan eg bruke bokinformasjonssida til Twilight (Stephenie Meyer). Å sjå at dette (makk)verket har fått 274 seksarar er meir enn folk flest tåler. I alle fall om ein er over 20 og har tiss...

Det er tilstrekkeleg å vite kva den gjennomsnittlege karakteren er.
Sidan sitat er viktigare og meir meiningsfulle enn listene, bør desse flyttast lengre opp på sida.
Sitat bør også kome lengre opp på sida enn bileta av dei som "følger" boka. Sitat er viktig.

Dette med følg boka skjønte eg heller ikkje heilt vitsen med.

Når det kjem til startsida ("hjem") er eg usikker. Eg likar at det er kome ein ny kategori - nemleg bokomtale. Endeleg kan ein skilje seriøse innlegg frå kose(tøv)praten til husmødrene (og matronetoppen). Dette er veldig bra! Men hadde det vore mogleg å få alle 4 kolonnene på same linje? Det er, som andre har nemnt før meg, mykje luft og marg på desse sidene. Eg trur ikkje det hadde skada om det vart litt meir tettpakka.

"Nylig sette bokelskere" - eg synes dette høyres litt rart ut, kvifor ikkje berre "Aktive bokelskere" (sjølv om dette kanskje kan vere misvisande). Denne kolonna kunne vel også vore plasert i margen, som før?

Eg likar at det no står forfattarnamn etter boka som er sitert, men denne skrifta er for lys. Litt meir kontrast så er det topp!

Eg har ikkje merka noko til det sjølv, men i diskusjon med ei veninne vart det påpeika at lastetida på bokelskere var blitt raskare, om dette er tilfelle er det bra (det kan også kome av at ho nyleg fekk fiber..).

Eg er veldig nøgd med at ein no kan søkje i listene =)

Noko som i lang tid har irritert meg på bokelskere er "sitat og liste spamming." Eg lurer derfor på om det hadde vore mogleg å gjort det slik at når ein leggjer inn ei ny liste eller eit nytt sitat, så vil det dekke det gamle (slik det er i vanlig diskusjon).

Før oppdateringa hadde eg også tenkt å høyre om det var mogleg å få undergrupper i bokhyllene. På den måten kan ein generalisere slik at ein ikkje får for mange bokhyller, samtidig som ein kan spesifisere, for å ungå rot. Eg veit ikkje om dette lar seg gjere, men eg trur det hadde vore godt motteke.

Alt i alt er eg nøgd med mykje, men håpar på ein del endringar i layouten.

Å der oppdaga eg brått noko nytt eg likte, nemleg forhåndsvisninga nederst på sida - dette var faktisk ganske genialt! =D

Einig. Det burde også vere mogleg å sortere listene etter popularitet, altså etter kor mange som har stjerna dei. Det er trist i grunn at omlag 9 av 10 lister er totalt meiningslause for andre enn dei som lagar dei.

Ja til fleire gode lister!