Eg slukte denne boka! Ikkje berre fanga historia meg, men eg elska hovudpersonen Doris.
Ho har eit friskt syn på livet, og ei "slik er det" haldning som gjer ho til ein heilt herleg karakter. Vi får bretta ut livshistoria hennar i form av at ho skriv ned minna sine for å fortelje grandniesa si Jenny om det ho har opplevd, og det er litt av eit liv ho beskriv.
Vi følgjer ho på si ferd gjennom verda. Ein oppvekst i Sverige, Frankrike og kjærleik på 30-talet, USA og etterkvart tilbake til heimlandet. Eg elska å følge alle opp- og nedturane ho fortel om.
Dette er ei vakker og sår bok om kjærleik, lykke og sorg.