Bokelskere.no

Romanen "Famine" skal vere best - og etter mykje strev har eg fått tak i han, men ikkje fått lese han. Novella "The Sniper" ville kanskje ha vore betre om forfattaren hadde gitt oss eit lite hint om kva som var forholdet mellom dei to snikskyttarane?

Den irske favorittforfattaren min er Liam O'Flaherty frå Aran-øyane på vestkysten. Han var med i påskeopprøret i 1916 og kjenner både britisk imperialisme og den irske borgarkrigen innanfrå. Som i så mange andre av romanane hans møter vi i "The Assassin" den verknaden som borgarkrigen hadde på enkeltmennesket sitt forhold til seg sjølv, til andre og til samfunnet. Kva ligg bak eit politisk mord? Og kva er følgjene av denne handlinga? Spennande, levande og ikkje minst tankevekkjande er denne romanen der O'Flaherty trengjer inn i personane og motivane deira og set dei inn i ein større samanheng.

Ja. men eg tenkjer lite over kva andre gjer (sjølv om eg synest det er artig når fleire deler interessene mine). Eg les litt i "Aeneiden" ein gong i veka.

Du har vel sett i Aftenposten i dag at det står om latin?

Her er eg einig med deg, Hedvig. Eg har i utgangspunktet problem med litteratur som inneheld vekslar og slikt. I tillegg er dette stykket interessant for meg berre som uttrykk for det stadiet i Ibsens utvikling som det er skrive i: No er vi på veg inn mot den kritiske realismen. Fyrst skal kapitalismen få utvikle seg litt meir, så skal Pariskommunen vise klassemotsetningane i all si gru (og danne bakgrunn for "Kekser og Galilæer") og så er Ibsen klar for å skrive på eit høgare plan enn lystspelet om Steensgard - alias Peer Gynt - som politikar: Ibsen har her skrive eit samtidsdrama i moderne prosa, med statiske personar utan liv, som ikkje utviklar seg i samspel med andre og samfunnet. No har vi store ting i vente.

Takk for påminninga. Eg er nettopp ferdig med å repetere stykket, men eg festa meg dessverre ikkje ved replikken. Kanskje fordi eg ikkje klarer å like dette stykket noko særleg anna enn som forløpar for og kontrast til "Samfundets støtter".

Så full av levande, tvers igjennom irske replikkar, då full av liv og gapskratt. Om gutane, om bandet, om musikken. Og om livet.

Ja - delvis. Reklametrikket kjem vel òg inn her: Fin rytme i "Ibsen, Bjørnson, Kielland og Lie"! "Hjemmenes Digter" vart han kalla; "Kommandørens Døttre" kan nok enno lesast (men skuldar nok Camilla Collett ganske mye), og "Livsslaven" er eit skoleeksempel (ja, kanskje mest skole-eksempel, ja) på naturalisme. Samtidig har han så fin breidde, med både kritiske realisme, naturalisme og nyromantikk at eg gjerne vil slå eit lite slag for han ...

Da er vi vel einige om avgrensinga i epoke. Garborg var jo eit snes år yngre enn desse fire òg, da.

"De fire store" er eit omgrep som vart utforma av Gyldendal, som var forlaget til Ibsen, Bjørnson, Kielland og Lie. Garborg, Duun, Falkberget og Undset var på Aschehoug, og Skram skreiv om unemnelege emne. Så forlaga styrer tankegangen vår meir enn vi aner. Hamsun var òg på Gyldendal - og den viktigaste inntektskjelda gjennom mange år. Når "de fire store" vart brukt i reklamen fyrste gong, veit eg ikkje; dersom det var etter krigen, kan det hende at det var lurt, med tanke på fortenesta, ikkje å ta med Hamsun. Men dette er berre spekulasjonar. Kanskje var det akkurat epoken der Ibsen, Bjørnson, Kielland og Lie var mest aktive, som Gyldendal konsentrerte seg om; Hamsun tilhøyrer jo generasjonen etter. Eg håper at dette bidraget forklarer litt omkring "de fire store" - sjølv om både du og eg framleis sit att med ein del spørsmål.

Håper at eit bibliotek vil kunne hjelpe deg!

Eg har "Tereza Batista" (Tiden + Bokklubben 1988; 82-10-02968-1). Sjå hylla "Brasil" i samlinga mi. God lesing!

I dei fleste av dei yrkesaktive åra mine har eg arbeidd lektor i norsk og ein del språk (fransk, spansk og engelsk), men eg har periodar som seniorrådgivar i Utdanningsdirektoratet og forlagsredaktør. Heldigvis har eg fått arbeide med hovudinteressa, som er språk og litteratur.

Leser du for mye? NEI

Burde du gjort andre ting? NEI

Vasket gulvet, tørket støv, skiftet olje på bilen , trimmet deg litt?NEI. EG HELD HUSET RELATIVT REINT, EG TRENER OFTEOG EG SKIFTER OLJE NÅR EG MÅ - ELLER BER VERKSTADEN OM DET NÅR EG LIKEVEL HARBILEN DER (SLIK SPARAR EG TID).

Er noen i familin litt lei av alle disse bøkene i huset? LITT

Synes ansiktet ditt i stuen JA, LITT, eller er det gjemt bak en eller annen bok, som vanlig? JA, MEN EG KAN TITTE FRAM

Er tiden for dyrebar til å brukes på bøker? NEI

Vi har ikke lange livet, selv om vi trodde det da vi var helt unge. Burde vi ikke da brukt tiden på noe annet enn å sitte der i bokens verden? NEI

Er de som leser mye,late, NEI

er det derfor de sitter der? NEI - MEN FORDI DET ER SÅ MOROSAMT

EG LES FOR LITE - OG LYT SLUTTE Å SKRIVE NO, FOR EG SKAL LESE: IBSEN OG PLATON (FOR ORDENS - OG HUSFREDENS - SKYLD; ER ALEINE HEIME NOKRE DAGAR).

Ei artig, lita bok om eit alvorleg tema: Ei tenåringsjente blir gravid og vil ikkje seie kvane som er faren til barnet ("snapper") som ho ventar. Ikkje så mange å velje mellom for lesaren, men forfattaren byggjer opp forteljinga så umerkeleg fint at "avsløringa" kjem logisk nettopp der det passar best for den vidare utviklinga. Eg liker Roddy Doyle; på sitt beste, som her, teiknar han eit portrett av Irland med humor og varme og heile tida med ein alvorleg undertone.

Eg er einig med deg - ser at det er ein del negative kommentarar her, og eg forstår dei, men så syntest eg at romanen tok seg opp: Dette er ikkje 1500-tal; det er vår eiga tid og det er kritikk av heile vår histories skepsis mot det fremmende, mot det nye. Og dermed blir dette ein stor roman, for forfattaren kombinerer eit aktuelt tema med eit historisk motiv - slik han kombinerer tyrkiske litterære motiv med ein vestleg romantradisjon. Eg har snakka med tyrkarar som meiner at landet har forfattarar som skriv betre bøker enn Pamuk. Har dette samanheng med at han er for "vestleg" (jf. nobelprisen) for dei? At han tek opp alle tiders motstand mot nye tankar? Romanen var krevjande, men gav løn for strevet.

Nyttig bok om sykling, særleg no i denne fordømte mellomsesesongen der det ikkje er skiføre lenger og likevel for mykje snø til å gå i skogen. Eit vell av råd om sykling innimellom trykkfeila.

Ei enkel innføring - verken meir eller mindre. Forklarer godt.