Bokelskere.no

Eg hadde klare idear om korleis det såg ut i himmelen. Ikkje den skremmande himmelen du kunne sjå opp på om kvelden på veg heim frå kinoen. Den ordentlege himmelen. Søndagsskulehimmelen. Og eg såg bestemor dansa der blant fiskane frå søndagsskuleboka. Fiskane til Peter.

Mokkabønner er godt. Stafett er stafett. Cup er cup. Vatn utvidar seg når det frys. Alle vegar fører til Rom. Herrens vegar er uransakelege. Kunstens veg er tornefull. Sterk-Ola Bakken var ein kåt faen. Hadde han levd i dag, hadde han blitt bura inne. Fåfengt fell ikkje lauvet lell. Det var fakta alt i hop. Eg trong fakta. Noko sikkert å halda meg fast i. Armholene mine var kliss våte. Det lukta stramt.