Bokelskere.no

Hyttepåske. Far (44) spelar ludo med
tenåringsdøtrene, kan ikkje hugse kva han
forventa då han blei far, beit bare at dette,
dette er betre.

Ho er sjuk. Han er medisin. Ho har tatt han
morgon og kveld i ei veke. Måndag er ho
betre: - No tar eg deg førebyggjande, seier
kvinne (28).

Korleis veit dei? Jo, hand som
streifar hand, lår som møter lår. Korleis? Jo,
blikket, pusten, rørslene.
Jente (16) eit. Jente (17) veit.

Leggetid, så nær jul. Kva ønsker du deg?
spør far. Jente (4) tenker, veit at no, ja no
gjeld det. Endeleg svarar ho: Nesten alt.

Sola stig opp 05:55, mens det er
mørkt ute og snøen fell under gatelysa.
Sola er fire år i dag, ho vil ha på kjole
og ta med is i barnehagen.

Mann i 50-åra elskar kvinne i 40-åra som drømmer om mann i 30-åra som er forelska i kvinne i 20-åra som har bestemd seg for å leve åleine.

Straks våren er her for fullt, skal ha rømme frå sjukeheimen. Han drømmer om å sjå Jæren, Lofoten og Buenos Aires. Han er 91, verda ventar.

Gjennom mørke novembergater med mobilar i hendene, blå og lysande alter som folk vender ansikta mot i stille bøn. Ring, ver så snill. Ring.

Håplaust å stå opp. Før var det jobb. Så ungar. Måtte opp. Måtte. No er ho pensjonist og nyforelska. Senga full av kyss. Håplaust å stå opp.

Mann (53), kjend for å snakke rett frå
levra, har snakka så mykje rett frå levra at
levra er stygt skadd. Motvillig snakkar han
frå hjartet.