Éin loppis. Tre kvinner. Altfor mange ting.

Iselin er ei klippe for familien, men har begynt å kjenne avsky for både mannen, jobben og det evinnelege dugnadsarbeidet. Det einaste ho finn glede i mens ho druknar i finlopper, er å lese om stygge drap og snoke i livet til offera.

Sarah er gravid og redd for at barnefaren skal forlate henne, så rart som han oppfører seg. Ho held seg langt unna loppemarknader - bortsett frå dei ho må rykke ut til som ambulansesjåfør.

Berit er i sorg etter at kjærasten døydde. For å prøve å dempe saknet jaktar ho på brukte skattar, og kvar fredag går ho til grava med kaffi på termos og stadig nye porselenskoppar.

Pent porselen er ein roman om å vere lykkeleg åleine og einsam saman med andre. Om å miste, men også om å finne igjen.

«Pent porselen er en stødig og innsiktsfull roman for lesere som søker karakterdrevne fortellinger med dybde og varme. Fuglehaug skriver med en rytme og visuell klarhet som gjør at det til tider føles som å lese en film ...» Maren Dahl Keller, Bok365

«Ein loppemarknad er eit godt fenomen å dreie ein roman omkring. Her møtest folk med dei mest ulike ynske, og det oppstår ikkje sjeldan dramatiske situasjonar. (...) Det er underhaldande. Og ynskjer ein å sjå eit bodskap i dette, er det heller ikkje vanskeleg å finne.» Marianne Lystrup, Dag og Tid