Karel Čapek var rimeleg visjonær som forfattar, og er mest kjend for science fiction-aspekta i nokre av bøkene og skodespela han skreiv. Men ser ein på lista over verka hans, finn ein at han hadde ein ganske mangfoldig forfattarskap. Reiseskildringar, til dømes, og ei bok om hagestell. Han skreiv også nokre bøker som, i alle fall til dels, er meir retta mot eit yngre publikum, slik som denne.

Som tittelen meir enn antyder, fortel forfattaren om husdyra sine. Og det er slett ikkje berre ein hund og ein katt ein får høyre om, men om eit større utval av hundar og kattar som er eller har vært i husstanden hans. Tonen er lett og humoristisk, og burde kunne fenge som underhaldning for barn. Men delar av tekstane har også eit litt djupare lag, med refleksjonar om og kommentarar til eit og hint som born kanskje ikkje er så veldig opptatt av. Der var mellom anna ganske tydelege kommentarar til rasehygiene og framveksten av overmennesket, eit tema som var hyperaktuelt i og med rådande ideologi i nabolandet på den tida boka blei ført i pennen.

Forlaget skriv i omtalen sin at boka har klassikar-status i Tsjekkia. Derfor hadde eg kanskje venta bittelitt meir av boka. Men som katte- og hunde-eigar så er det på ingen måte vanskeleg å kjenne seg att i forfattaren sine opplevingar og betraktningar. Mykje av boka handlar faktisk mest om hundar, kattar kjem sterkare mot slutten. Og kvalpe- og kattunge-kull er eit tema som gjeng att i fleire av kapitla. Vidare merkar ein seg at haldninga til dyrevelferd truleg har endra seg litt sidan Čapek skreiv boka, framgangsmåten han skildrar for å kvitte seg med kvalpar på ville nok bli bøtelagd i dag. Men trass dette var det ei triveleg bok, og som sjølv om den først og fremst har barn som målgruppe vil kunne glede vaksne som er glad i hund, katt, eller helst begge deler.

Godt sagt! (2) Varsle Svar

Viser 1 svar.

Etter En reise til Norden var dette en skuffelse. En fin omtale Jostein, som jeg stort sett er enig i. Men jeg strekker meg ikke lenger enn til en 3-er. Dette stoffet kunne Capek gjort mye mer ut av.

Godt sagt! (0) Varsle Svar

Annonsér hos bokelskere.no


Sist sett

Grete AmundsenIdaBenteHarald KTjommiTheaTor Arne DahlSynnøve H HoelMarie ØstvoldHilde H  HelsethMonica CarlsenNinaKay NilsenTanteMamieReadninggirl20LilleviGroKirsten LundAnne-Stine Ruud HusevågSaraVigdis VoldLailaMorten BolstadMangosaft45Åsmund ÅdnøyInger-LiseIngeborg GCamillaEvaEileen BørresenJane Foss HaugenKristine LouiseMari Nordø LommelunHåkon PedersenBjørg L.RufsetufsaDolly DuckTerje MathisenEivind  VaksvikLisbeth Kingsrud Kvisten