Bokelskere.no

Det er vel neppe Schrøder du har i tankane, eg har aldri vært der men eg får meg ikkje til å tru at "anstalt" er ei dekkande nemning for etablissementet.

Derimot gjettar eg på at det er Rikshospitalet du siktar til, sidan ein del av hendingane i boka er knytta til dette. Eg kan ikkje seie eg la merke til spesielt nedsetjande kommentarar medan eg las boka (sikkert fordi eg tåler så inderleg vel den uretten som ikkje råkar meg sjølv ...), og når det gjeld skildringar av hendingar på Rikshospitalet så tok eg desse med passe store klyper salt. Men det kan fort hende at eg hadde reagert annleis dersom eg hadde hatt førstehands kjennskap til sjukehuset.

Så ser eg at det kjem ny Harry Hole-bok neste år. Eg kjem garantert til å lese den, men eg kjem truleg til å vente til boka er å få til nedsatt pris, slik eg har gjort med alle dei andre bøkene i serien.

Det er Ila Fengsel jeg sikter til. Ved en anledning blir en besøkende, en kvinnelig politibetjent. låst inn på cella sammen med en innsatt. Ingen blir det, selv ikke presten på Ila. Et annet sted skriver han at de har tilgang til fellesrommet på natta, det skjer aldri. Måten han karakteriserer flere av betjentene et annet eksempel.

Då blei det skivebom på meg, gitt. Men poenga var dei same, sjølv om skiva var feil. Eg forstår godt at du reagerer på dette i og med at du kjenner forholda. Sjølv aksepterte eg skildringane, ikkje som ei sannferdig framstilling, men som ein del av boka sin røyndom.

Det kan jo fort hende at Nesbø har fått tilbakemelding på nettopp dei tinga du reagerer på. I den neste krimboka hans, Sønnen, er eit fengsel særs sentralt i handlinga, og her er det verkeleg grunn til å setje spørsmålsteikn ved rutiner av ymse slag. Men så vidt eg kan forstå må fengselet i denne boka vere oppdikta.