Bokelskere.no

Då er eg spenna klar for buss-tur, tusen takk for hjelpa til alle som har kome med tips og innspel.

Detaljert oversyn over kva eg har lært/funne ut:

Først av alt: nedlasting av appar via Google Play var skræmande enkelt, faktisk så skræmande at det nesten gjeng på personvernet laust. Eg meiner, korleis kan denne nettsida vite, når eg gjeng inn på den via min PC, kva for telefonmodell eg nyttar? Det er veldig praktisk at den veit det, men eg synest det er eg som skal bestemme at den veit det. No ja, nok om det.

Frå Google Play så lasta eg ned avspelaren Smart AudioBook Player, som det kom tips om i diskusjonstråden.

Så har eg fått tips om tre nettstadar for lydbøker.

Audible er ein nettstad som høyrer til amazon. Ein overflod med titlar, men litt slunkent med informasjons-sider for nybegynnarar som meg sjølv. Slik eg forstod sida kan ein laste ned ei gratis lydbok, men bruken av sida er lagt opp til å vere ei abonnementsteneste. Sidan eg er usikker på om eg kjem til å nytte lydbøker i særleg grad så ser eg i første omgang vekk frå denne. Der er ein eigen Audible-app for android, men eg veit ikkje om ein treng denne appen for å høyre på lydbøker frå Audilbe, eller om ein kan laste ned bøker og høyre på dei med ein annan avspelar.

Lydbokforlaget er akkurat det namnet seier, eit forlag for lydbøker. Bra utval. Så vidt eg kan sjå er det enkelt og greit nedlasting av lydfiler mot betaling, ingen eigne appar. Der var ingen gratis bøker etter det eg kunne sjå. Sidan eg i første omgang berre vil teste om lydbok er noko for meg ynskjer eg ikkje å bruke penger på det, så inntil vidare så blir det ingen handel.

Ordflyt er ei nettside for streaming og nedlasting av lydbøker. Det gjeng fram at sida er under utvikling, ein får tilbod om å bli gratis testbrukar, og det blir sagt at det muligens vil bli ei abonnementsteneste etter kvart, men ein forpliktar seg ikkje til å abonnere sjølv om ein blir testbrukar. Tre programnedlastingar måtte til: først Adobe Air og Ordflyt Desktop til PC’en, og deretter Ordflyt App til mobiltelefonen. Det var ikkje vanskeleg på nokon måte.

Der er mange gratis-bøker i Ordflyt, men det var ikkje utan vidare klart for meg ut frå Ordflyt Desktop på PC om eg kunne laste ned bøker kostnadsfritt til mobilen. «Gratis avspilling» står det der, men så står der i tillegg ein pris for kjøp av MP3. Men når eg gjekk inn på appen på mobilen, så fekk eg til å laste ned ei bok (Jorden rundt på 80 dager, Jules Verne) utan at det kom beskjed om at det kosta pengar. Så då får ein tru at det var gratis. Og eg har sjekka at boka kan spelast av i Ordflyt-appen.

I tillegg til desse tre nettstadane så har eg vært inne på ein gratis-nettstad med det opplysande namnet «www.booksshouldbefree.com». Der lasta eg ned «Uncle Tom’s Cabin» som MP3 zip direkte til mobilen. Det tok lang tid, rundt ein time. Smart AudioBook Player (heretter: SABP) var ikkje smart nok til å unzippe filene av seg sjølv, så eg måtte kopiere dei over til PC, unzippe der, og deretter overføre tilbake til mobilen. Då veit eg det til neste gang. Men når dette først var gjort, så fungerte det greit i SABP.

Så har eg også vært på biblioteket og lånt eit par lydbøker, for å teste ut korleis dette virkar. Lydbøkene er på CD-plater, eg lånte Edvard Hoem sin Kjærleikens Fergereiser, eit sett på 6 lyd-CD’ar, og Åsne Seierstad sin Bokhandleren i Kabul, her var heile boka inne på ein enkelt CD men i MP3-format.

Lyd-CD’ane med Hoem si bok var krøkkete å kopiere over. Kvar enkelt CD inneheldt fleire kapittel, men filnummereringa starta på «spor 1», og deretter «spor 2» etc. for kvar av CD’ane. Dermed gjeng eg ut frå at det blir krasj dersom ein, etter å ha rippa platene, kopierer alle filene over til same foldar på mobilen. Dermed blei det 6 foldarar, ein for kvar CD-plate. SABP oppfattar dette som 6 ulike bøker. Det finnest sikkert ein måte å få SABP til å forstå at det er same bok på, men eg greidde ikkje å finne ut av dette berre ved å fikle rundt på eiga hand. Det endar nok med at eg døyper om kvar enkelt fil til det rette kapittelnamnet, for deretter å samle dei i ein enkelt foldar.

Åsne Seierstad sin bok i MP3-format var mykje enklare. Ingen ripping eller anna tidkrevjande tull, berre å dra filene rett over frå PC til mobil.

Lærdomen av dette er altså å først og fremst leite i lydbøker i MP3-format dersom det skulle bli aktuelt å låne fleire lydbøker frå biblioteket.

For å oppsummere, så har eg testa ut 4 ulike måtar å laste ned lydbøker til mobiltelefonen på. Alle 4 metodene virker. Då har eg 4 bøker til å ha på øyret under bussturen, det skulle vere rikeleg. Så skal det bli spanande å sjå om dette er noko som fell såpass i smak at det blir ein vane, eller om det kun blir ei nødløysing i situasjonar der eg ikkje kan lese papirbok.

Eg håpar også at denne diskusjonstråden kan vere til hjelp for andre nybegynnarar i lydbok-verda.

Ja, det å bruke en android har sine personvernssider... jeg liker ikke helt måten det fungerer på, og er i hvert all veldig restriktiv på hvilke program jeg installerer med tanke på alle tillatelsene de fleste av dem krever.

I SABP kan du slå sammen filer ved å lang-klikke på en av dem (når du er i biblioteket) og velge "merge folders". Da tror jeg du får velge hvilke du vil slå sammen - husker ikke helt hvordan det så ut, og jeg har ikke noen å teste på akkurat nå, men håper dette hjelper.

Langklikketrikset er notert, takk skal du ha. Eg har alt døypt om og slått saman filene i ein foldar, så eg får heller ikkje testa det før eg eventuelt skal kopiere ei ny lydbok.