Eg har to bøker med handling frå Etiopia, begge er reiseskildringar skrive av nordmenn som har vært på gullgravings-ekspedisjonar rundt tiårsskiftet 1930. Den eine boka, Gjennem Etiopias jungle av William Avenstrup kom ut i 1935 og er sterkt farga av samtida sitt syn på heidningar. Hadde boka kome ut i dag ville den utan tvil blitt stempla som sterkt rasistisk. Bok nummer to, Gullvasking i Etiopia av Thor Amdahl kom ut i 1999, og er langt meir politisk korrekt i framstillinga av opplevingane i Etiopia.
Det er kjempeinteressant å halde desse to bøkene opp mot einannan. Forteljingane har mange likheitstrekk, reisene gjekk i omlag same området i omlag same tidsromet, men det ser ikkje ut for at forfattarane har støytt på einannan, i allefall har ingen av dei nevnt den andre i bøkene sine. Og så lurer ein på; var Avenstrup ein rasist, eller skreiv han slik han gjorde fordi det passa med den rådande stemninga i samtida? Enn om Amdahl hadde gitt ut si forteljing i bokform på 1930-talet, ville han ha unngått dei litt plumpe skildringane som Avenstrup slumpa til å gjere innimellom? Dette får ein sikkert aldri svar på, men det er som nevnt uhyre interessant å observere korleis to i utgangspunktet like forteljingar truleg er blitt farga av tida dei blei fortalt i.
Viser 1 svar.
Å spennende! Sånt er veldig spennende!
Jeg skal se etter de to bøkene!
E
Sist sett
