Bokelskere.no

Sunne utfordrar deg som lesar ved at du fort byrjar tenkje "Aurora har seg sjølv å takke!" Men vi blir heldigvis satt på plass av den oppklarande slutten! Unge (jenter) må få lov å ha sterke kjensler, men vaksne vil alltid ha eit klart ansvar ovanfor barn og unge. Det som gjer det så vanskeleg er at nokre av dei som trør over grensa og inngår forhold til mindreårige er så flinke til å manipulere eit ungt sinn at det blir vanskeleg å ta dei! Og slik skyv ein ansvaret over på offeret, slik denne boka på ein god måte viser! Boka har eit godt driv i handlinga, spenninga byggjer seg opp, som lesar blir du både melankolsk, alle har vore tenåring ein gong..., og nærast kvalm! Og assosiasjonane går til ei aktuell sak i Vågå...

Eg synest det kjem godt fram at det er den vaksne som er ansvarleg. Boka er godt skriven og spanande. Eit ankepuntk er kanskje at Aurora er litt for reflektert...?

Nokre ungdomar er vel det? Aurora er på ein måte vaksen, og samstundes uerfaren med eit voldsomt begjær som ikkje er heilt uvanleg for tenåringar. Historia er reell og veldig aktuell akkurat no! Det som alltid forundrar meg når slike saker kjem for dagen er den vaksne personen sin mangel på grenser. Korleis kan ein vaksen bli tiltrukken av ein så ung person? Nokre slike saker ligg i genseland, der den unge ikkje lenger er eit barn og gjerne akkurat er rundt den lovlege alderen for eit kjæresteforhold. Reint fornuftsmessig veit vi det er fullstendig feil med eit forhold mellom ein tenåring og ein vaksen, men boka testar tankegangen vår her, på ein god måte, tykkjer eg.