Bokelskere.no

Veldig gildt med dobling av lista. :-)

Gerd Brantenbergs St. Croix-trilogi er verd å få med seg. Ikkje heilt ny lenger, men. Startar med Sangen om St. Croix.

Inspirert av deg, bytta eg nettlesar, og gjekk inn på bokelskere via Explorer. Det rare var at det var akkurat likt der. Og ingen av oss tre har vore på bokelskere via Explorer før... Men eg har jo gjeve han ei stjerne tidlegare, så eg veit det har funka før. Merkeleg.

Ja til begge deler.

Eh... Beklagar maset. No trudde eg verkeleg dette var løyst. Har vore inne som sonen min og logga han av. Var deretter inne på nettlesaren og sletta all historikk (bruker Firefox). Men framleis kan eg altså ikkje gje sonen min stjerner når eg loggar på som meg. Rediger-knappen er trykkbar.

No har vi prøvd oss litt fram her. Det er framleis ikkje mogleg for meg å gje sonen min stjerner, og rediger-knappen hans står stadig trykkbar for meg. Men mannen min tipsa meg om at eg kunne trykke på han, og sjå kva som skjedde, og då kjem eg til 404 - Obstfelders feile klode :-). Så dermed har det antageleg aldri vore mogleg for meg å redigere, bare å trykke rediger... Og det er jo to forskjellige ting, ser eg no. Beklagar oppstusset.

Eg les ein del for sonen min på 9, og han les ein del sjølv og. Men av og til startar eg å lese høgt frå ei bok, stoppar når det er som mest spennande, og seier (og meiner) at eg vil lese meir seinare. Ofte les han då vidare sjølv, fordi det er for spennande til å vente på neste høgtlesing, og han har på den måten fått sans for fleire seriar som han har lese mange bøker i.

Du seier ingenting om kor lesedyktig tiåringen din er. Det varierer mykje i den alderen kor tjukke bøker som verkar overkommelege og kor stor skrift bøkene bør ha.

Nokre tips av ulike storleikar og vanskegradar:

• Serien om LasseMajas detektivbyrå av Martin Widmark er spennande, men ikkje skummel, har ganske stor skrift og mange bilete (nesten på kvart oppslag). Får han sansen for desse, har han mange titlar å gle seg til. Same forfattar har og gjeve ut serien om monsteragenten Nelly Rapp, ein serie som og slår godt an i aldersgruppa.
  

• Maria Parr kom i fjor ut med romanen Tonje Glimmerdal, som er både spennande, trygg, koseleg og fantastisk på ein gong. Kan absolutt anbefalast som høgtlesingsbok, men eg trur nok og dei rette vil like henne som eigenlesing. Litt tjukk.
  

• Philip Newths bøker om roboten Matilda (med Roboten er løs som første bok) er midt i blinken for gutar som er opptekne av romskip, robotar og verdsrommet. Dessutan er det masse humor i dei. Her i huset går dei som blanding av høgtlesing og eigenlesing for tida.
  

• Veit at eg har fått tilbakemeldingar frå foreldre (eg jobbar som skulebibliotekar) som meiner at deira gutar har lært å bli glad i bøker gjennom Angela Sommer-Bodenburgs bøker om Den vesle vampyren.
  

• Anan Singh og Natalie Normann har skrive to tynne spenningsbøker for barn ca. 5.-7. klasse (Loftet og Byttingen). Dei er svært gode, men ganske skumle (nesten skummelt ekle, sjølv for meg, men eg er kanskje litt sart?). Ville ikkje anbefalt dei til ein som frå før av er litt engsteleg av seg, eller er mørkredd.
  

• Er det humor som er tingen, kan du jo prøve Ulf-Arvid Mæjlender: Sannhetsstøv type 1. Gutar med den rette humoren vil falle for denne, sjølv om ikkje eg gjorde det. ;-)
  

• Josefine Ottesens serie Drageherren passar for dei som treng svært enkle bøker (stor skrift, mykje illustrasjonar). Herleg å ha noko som kan "slukast" også av dei som elles har litt lesevanskar. Historisk fantasy-spenning.
  

Håper noko av dette fell i smak. Kan gje fleire tips om du finn ut kva "retning" ønskene og evnene hans går i.

Vil du at eg skal gå inn og logge han ut, og sidan prøve det same? Forsto ikkje heilt kva du meinte vi skulle gjere.

Prøvde for sikkerhets skuld om eg kan gjere endringar hjå meg sjølv no. Det kan eg. Har lagt til ei bok eg skal lese, og bokantalet hjå meg steig. Så eg er jo inne på meg sjølv, då?

Sonen min har ikkje vore inne på bokelskere etter at han gløymde å logge ut, så han er i prinsipp då truleg pålogga enno. Kvar gong eg har logga meg på etter det (inkludert no) skjer det same. Eg kan ikkje gje han stjerner, bare redigere hjå han. Men mine bøker ligg øvst, så eg er pålogga hjå meg sjølv.

Det stemmer at han gløymte å logge ut før han lukka nettlesaren i dag tidleg. Men eg hadde logga på sjølv, og det var mitt antal bøker som sto øvst under "din side". Då trudde eg jo vitterleg at eg var inne på meg sjølv... Er det ikkje litt rart?
Han har strenge foreldre som ikkje let han få ha facebook-konto enno, men sidan bokelskere ikkje opererer med aldersgrense (så vidt eg har klart å finne ut), og vi tykkjer dette er eit langt meir positivt fora, får han lov til å vere her. :-)

Skulle inn og gje sonen min ei stjerne på eit sitat han la til for nokre dagar sidan. Opplevde då at eg ikkje kunne gje han noko stjerne, men at eg kan gå inn å redigere hjå han i staden... Det likte eg dårleg (vil jo ikkje at andre skal kunne redigere på meg, heller...). Eg er innlogga som meg (prøvde å logge av og på for sikkerhets skuld), og då skulle det ikkje ha noko å seie at vi bruker same pc, vel? For ordens skuld: Var inne på mannen min, som også bruker same pc når han er på bokelskere, og hjå han kan eg ikkje redigere. Mystisk. Og eigentleg ikkje slik vi vil ha det, vel?

Klart vi har! Tusen takk for oppklaringa. Når du fortel om omslaget, hugsar eg det og.

Eg anbefaler i alfabetisk rekkefølgje:

J: Rolf Jacobsen: Alle mine dikt, Roy Jacobsen: Seierherrene (Vidunderbarn skal visst og vere god, men eg har ikkje kome så langt enno), Jens M. Johansson: Bisettelsen har funnet sted, Sara Johnsen: White man, Lloyd Jones: Mister Pip.
N: Her er krimforfattarar i fleng: Nesbø, Nesser og Nygårdshaug. Vil og anbefale Prost Gotvins geometri av Nygårdshaug.
Q kan eg dessverre ikkje hamle opp med.
T: Craig Thompson: Tepper (flott teikneserieroman)
U: Anya Ulinich: Petropolis
V: Kristin Valla: Muskat
X: Har eg ikkje lese noko på, men på leselista mi står Xinran med Tapte døtre. Den skal visst vere god, men svært sterk.
Æ: Dessverre ingen her.
Ø: Vil henge meg på Øyehaug-anbefalinga, men med anna bok, nemleg novellesamlinga Knutar.
Å: Dessverre ingen her.
Håper at noko av dette vil smake.

Dei 144 sidene var raskt lesne. Men innhaldet var likevel godt, og til alvorleg ettertanke. Kan anbefalast.