Bokelskere.no

To glatte fjes. Glatte fjes og fine klede. Vi stod framfor ein av teaterbygningane i West End. Eit stort banner med Operafantomet på veggen bak oss. Eg la biletet i fanget og strekte hovudet bakover. Vi hadde sett fleire musikalar på den turen, men Operafantomet var favoritten, så vi hadde hatt «All I ask of you» i bryllaupet, omsett av meg til nynorsk. «Sei du elskar meg kvar dag av året, det er alt eg ber deg om.» Åh, så dumt, tenkte eg idet den jamne pusten til Gunnar gjekk over i harking, eg både kjente og høyrde at han snudde seg bak meg, så eg tok tak i biletet igjen og reiste meg halvvegs opp.