Bokelskere.no

Ho såg dei stå i gjørme attved låven. Som støtter i stein. Stilla dei bar. Full av sjukdom. Såg Sonen halde eit glødande hjarte. Hemnarsteinen. Såg Broren presteleg stum. Faren eit vidope mørker.

Minna velta fram i hugen. Slik er det for alle når dei vert innhenta. Det er ei ur-bør som veks i mennesket. Alt som har hendt. Alt ein har opplevd. For det som ikkje sluttar å gjere vondt, har brent seg fast. Det forsvinn ikkje, men kjem attende i generasjonar.