Bokelskere.no

Eg kjem til dykk og held dom.
Eg skundar meg å vera vitne
[...]
mot dei som held att løna for dagarbeidaren,
mot dei som undertrykkjer enkjer og farlause
og avviser innflyttaren,
[...],
seier Herren over hærskarane.
(Malaki 3,5ff.)

Så seier Herren:
Tre ugjerningar av Israel, ja, fire
– eg held det ikkje tilbake!
For dei sel den rettferdige for pengar,
den fattige for eit par sandalar.
Dei trakkar hovudet til dei svake ned i støvet
og trengjer hjelpelause bort frå vegen.

Sjå, alle som bruker ordtak, skal bruka dette ordtaket om deg: 'Som mora, så dottera.'

(Esekiel 16,44)

Gled deg, du ungdom, medan du er ung,
ver glad og fornøgd i livsvåren!

Om mennesket får leva i mange år,
skal det gleda seg over dei alle,
men òg tenkja på dei mørke dagane,
for av dei blir det mange.

Den som grev ei grav,
kan sjølv falla nedi

Det er betre å vera to enn éin,
dei får god løn for sitt strev.
For om dei fell,kan den eine hjelpa den andre opp.
Men stakkars den som er åleine!
Når han fell, er det ingen
som kan reisa han opp.
Når to ligg saman, blir dei varme,
men korleis kan den som ligg åleine,
halda seg varm?
Om éin blir overvunnen,
kan to halda stand.
Ein tretvinna tråd
slitnar ikkje så fort.

Betre ei handfull ro
enn begge hender fulle av strev.

Alt har si tid,
det er ei tid for alt
som hender under himmelen:
ei tid for å fødast, ei tid for å døy,
ei tid for å planta, ei tid for å riva opp,
ei tid for å drepa, ei tid for å lækja,
ei tid for å riva ned, ei tid for å byggja,
ei tid for å gråta, ei tid for å le,
ei tid for å sørgja, ei tid for å dansa,
ei tid for å kasta stein, ei tid for å samla steinar,
ei tid for å ta i famn, ei tid for å la famntak vera,
ei tid for å leita, ei tid for å mista,
ei tid for å gøyma, ei tid for å kasta,
ei tid for å riva sund, ei tid for å sy i hop,
ei tid for å teia, ei tid for å tala,
ei tid for å elska, ei tid for å hata,
ei tid for krig og ei tid for fred.

Ingen ting er betre for eit menneske
enn å eta og drikka
og unna seg gode dagar
midt i alt sitt strev.