Bokelskere.no

Lothe syner ein inngåaende kjennskap til Joseph Conrad som menneske og forfattar. Dei to første kapitla tek for seg oppveksten i Polen og karrieren som sjømann, men òg korleis det gjekk til at han vart forfattar med engelsk som hovudspråk. Resten av boka gjev analysar av dei mest kjende romanane hans, i all fall dei som finnast på norsk.

Sjølv har eg lese desse bøkene som spanande underhaldning. Som den litteraturvitaran han er, legg Lothe størst tyngd på kor nyskapande Conrad er både i skrivestilen og tematisk. Mørkets hjerte har fått eit heilt kapittel for seg sjølve og er òg den mest engasjerande analysen. Her får han fint fram kva kompleksiteten i romanen består av, og tek med korleis filmmakeren Coppola har tolka han i Apokalypse nå. Gjennomgangen av dei andre romanene, som Razumov, Lord Jim, er grundig nok, men til samanlikning noko tørr og repetitiv.