Bokelskere.no

Dette er ein original roman frå sveitsisk kostskolemiljø. Eg-personen som er 14 år, er forelska i, oppslukt av, medeleven Frédérique. Mykje av boka går føre seg på tankeplanet for Frédérique er noko for seg sjølv og går sine eigne vegar. Vi får innblikk i ei eiga verd bak kostskoleporten med hierarki mellom jentene og strikt disiplin. Oppdragelsa går ut på å gjera jentene klåre for eit liv med passande dosar intellektuelle syslar og borgarleg danning.
Historia er fortalt i korte setningar og med ein viss distanse i eit "kjølig" språk. Den norske oversettinga er på eit konservativt bokmål som speglar miljøet godt.
Boka er lese på få timar, men gir ettertanke.