Eg syntes boka var ubehageleg å lese. Romanen kretsar om to personar der begge har vald vekk eit sosialt liv: Den eine er forfattaren Jørgen Ribe som ikkje lenger klarar å skrive. Den andre er forbrytaren Bendik Ries som har bestemt seg for å skrive Ribes biografi. Skjebnene deira har kryssa kvarandre i ungdommen - og litt om litt opnar fortellinga om tankar, hendingar og løyndommar frå liva deira. Me får ta del i tankane deira, og etterkvart forstår me meir av vala og handlingane deira. Då eg var ferdig med boka, tenkte eg at eg burde lese ho ein gong til og forstå innhaldet betre. Men det har eg ikkje gjort. I staden måtte eg låne meg ei bok om målaren Bendik Riis. Det kan ikkje vera tilfeldig at hovudpersonen har same namn? Kva meiner forfattaren med å gjera det?
Sist sett
