Bokelskere.no

Ein annan ting som kan vere verdt å tenke på (eg greier ikkje å lå vere å tenke litt statistisk på det); Dei fleste nobel-aktuelle forfattarar har framleis ein god del leveår att etter at dei begynner å figurere på listene over aktuelle kandidatar, og vil såleis få mange lodd i lotteriet. Ibsen kunne få max 5 (han fekk vel berre 3), sidan han gjekk bort i 1906.

Vidare må ein ta med i reiknestykket at sidan prisen var ganske ny, så var der fleire "Nobel-verdige" kandidatar å velge mellom enn i seinare år. Eller forklart på ein annan måte; dersom prisen hadde blitt innstifta ti år seinare, i 1911, ville sikkert dei tidlegare vinnarane Mistral, Echegaray y Eizaguirre, Sienkiewicz, Kipling, Eucken, Lagerlöf og von Heyse vært aktuelle for prisen, og såleis ville det vært litt mindre sjanse for Maeterlinck som vann det året.

Aller Anfang ist schwer ...