Bokelskere.no

Strålande! Her er lydboka!

Eg erklærer med dette alle tidlegare meldingar om kva for bøker eg ville ha hatt med til ei aude øy (med strøm og cd-spelar): Det klarer seg med denne eine: David Copperfield som lydbok, lese - om ein kan bruke eit slikt ord, nei spelt - av Martin Jarvis. Han speler kvar einaste romanfigur og får fram karaktertrekka deira gjennom stemma. Størst er han kanskje når han går frå Uriah Heep til mora til Uriah Heep: Han skifter kjønn og legg på 25 år, og vips! - så har vi mor og son, "'umble as can be". Og ei rekkje bifigurar får liv og nesten bilete når han karakteriserer dei. Nei, eg treng ikkje fleire bøker på den øya!