Bokelskere.no

Ei bok om sorg og kor skjør han kan vere: som den tynnaste isen på vatnet som kan rakne viss ein fugl kjem for nære. Under isen, eit botnlaust djup kor kjenslene ligg, klar til å svelle til overflata. Oskar mista faren sin i åtaket mot tvillingtårna i New York. Ein får inntrykk av at huda hans er som den skjøraste isen, og under den har han eit sakn som han ikkje heilt maktar å forholda seg til. Han finn ein nøkkel i faren sitt skåp, og legg ut på ei reise for å finne holet til nøkkelen. Inni mellom denne historia viklar det seg ut ei historie rundt besteforeldra til Oskar, foreldra til faren hans. I mange lag blir me kjent med Oskar og familien hans. På ein sår, skjør og vakker måte, men og med ein humoristisk teft.