Bokelskere.no

Eg er så lei

av at all radio skal dreie seg om radio
og av at all teve skal dreie seg om teve
og av at alle aviser skal dreie seg om aviser.

Må eg komme med eksempel?
Eg finner heller fram fløytepakken.

Eg er så lei, så lei

av at alle dikt skal dreie seg om dikt.

Må eg komme med eksempel?
Eg finn heller fram meliseska.

Eg er så lei, så lei, så lei

av at alle diktarar skal vere sinte på ein og same
diktar
og av at alle kritikarar skal vere illsinte på den
diktaren også.

Må eg komme med eksempel?
Eg skjer heller desse nysteikte kakene her i to.

Eg er berre så lei

av at alle media skal dreie seg om media
og av at alle reklame skal dreie seg om kunst

at no har eg tenkt å ete tolv vannbakkels

eg aleine!