Bokelskere.no

Di eldre bok, di fleire eksemplar, di fleire lesararar, di meir sjel. Mange tusen menneske, ja kanskje millionar over heile verda har lese dei same orda, dei same setningane, tenkt omtrent dei same tankane og hatt omtrent dei same kjenslene når dei las boka. Når du les, blir du ein av dei. Du deler tankar, førestillingar, kjensler, kunnskap med alle dei som har lese akkurat det same. Kanskje sit det mange og les akkurat det same som deg på same tid. Då blir kjensler, tankar og førestillingar mangedobla.

Og nokre elska det. Kome inn i boklabyrinten, finne seg ei krå, ei heilt roleg krå, heilt omgjeven av bøker dei var interesserte i, setje seg på ein låg krakk eller på golvet, ta fram bøker, den eine etter den andre, lese litt her og der, i mange bøker eller i berre ei bok, gløyme tid og stad, berre vere i boka, i bøkene, finne roa, den eigne, trygge roa som du finn når den stressa kvardagen forsvinn, blir borte, bak høge blånar, eller bak mange fulle bokreolar.