Bokelskere.no

Herdast

Nye skor kan gje føtene gnagsår.
Det tyder ikkje naudsynlegvis
at dei var eit dårleg kjøp.

Gjer det vondt etter fyrste vandringa,
gje deg ut på ei andre.
Kjem du heim att med nye smerter,
legg i veg ein tridje gong.

Skorne formar seg etter føtene.
Føtene gjev etter for skorne.
Tærne bøyer seg,
skolane tøyer seg,
huda på hælane hardnar.

Tilhøvet mjuknar og blir jambyrdig –
Blir ei enkel, heilstøypt sanning
på veg ut i verda.

Snøsporvar

I mars månad kjem dei
til det frosne jordet attom huset vårt –
ein flokk mørke ryggar
med lyse bukar.

Dei skal vidare nordover,
men dryger lenge nok
til å minne meg på at det eg kallar heime
berre er ein rasteplass.