Bokelskere.no

Nokre år seinare, då skogen hadde byrja å vekse seg stor, spurde broren faren kvifor grannane ikkeje tynna der inne. Det tek til å bli tett, sa broren.
Dei vart planta for livd, i si tid, hadde faren svart.
Men det tek vel utsynet frå gardane, sa broren.
Du kan ikkje berre tynne grana når ho er vorten vaksen, sa faren.
Kvifor ikkje, sa broren.
Ho toler det ikkje, sa faren. Viss ei av dei fell, ryk snart dei andre med, dersom vêret kjem på.
Dei vernar kvarandre slik dei står no, sa mora.