Bokelskere.no

[Oldemor] vart døypt Marie, men kalla Mari og vart fødd på Bauge, ein fjellgard over Matrefjorden i Sunnhordland, i 1847.

Som barn gjette Mari sauene i dei bratte Baugeliene, og kanskje gjekk ho med tunge tankar, for ein dag sa ho til bestemor si: Eg skulle ynskja eg var så gamal som deg, besta, så eg slapp gå i skogen åleine og vera redd for bjørnen.

I mitt første bilde av besta [1885-1984] ser eg henne i sid, svart stakk og med svart skaut med lange silkefrynser over fletteknuten sin. Då ho nærma seg 100, gjekk ho i kort, blomstrete kjole og med krøller i håret.