Bokelskere.no

Toppskotet har form som
skotet har form som
greina har form som
treet har form som andre tre. Også andre tre er forma som
greiner
forma som skotet
forma som toppskotet,
som eg gnir mellom fingrane.

Veret verkar inn på flyginga mi. Flyginga mi verkar inn på veret. Isbrear over Himalaya smeltar. Himalayasmeltevatn blir overflodsvatn. Flaumvatn som infrastrukturen ikkje maktar å kanalisere. Der nede har vi ein jobb å gjere. Hjelpe til med bygging av institusjonar, vegar, vassrøyr. Her oppe har eg også ein jobb å gjere. Rekognosering og fredsstyrkande arbeid. Balansen av opprusting og nedrustning er ikkje berre ein myte.

Eg er slått av kor heilt det er, ovanfrå, når det ikkje er kartliner teikna inn. Når delstatar og språkområde ikkje er markerte, når Ukraina berre er landskap, geologi og vegetasjon.