Bokelskere.no

Spørsmålet er om det er riktig å lade tekstane til Gertrude Stein med meining. Mykje av det ho seier, går ut på at orda rett og slett tyder det dei tyder, og at språket er noko heilt konkret, materielt, sanseleg. "Rose er ei rose er ei rose er ei rose" er vel det tydelegaste uttrykket for dette. Ho snakkar om korleis eit komma "held kåpa for deg." Og fortel korleis ho brått innsåg forskjellen mellom setningar og avsnitt då ho høyrde Basket, kongepuddelen deira, drikke vatn. Då skjønte ho at avsnitt talar til kjenslene, og det gjer ikkje setningar.

Den svenske litteraturkritikaren Horace Engdahl, som nettopp har gått av etter ti år som Svenska Akademiens faste sekretær, har sagt at kritikaren skal skrive i den augneblinken "teksten åpner sitt øye og ser på deg". Det er i denne augneblinken eit litterært verk viser sine kvalitetar.