Bokelskere.no

http://www.youtube.com/watch?v=0oSQfppwQvY&feature=share

"livet skal ikkje gå opp,
det skal levast"

livet skal ikkje gå opp,
det skal levast.

INDRE MINNEBOK

Eg har ei indre minnebok
Menneske eg har møtt på
livsvegen
Små bilde av
det vi har delt

Når vi møtes
kanskje tilfeldig
eller i all hast
er varmen der
og gleda

Vi bur i eit lunt hjørne
i hjarto til kvarandre

Det blir ikkje borte
det gode som var

Bente Bratlund

Eit hjarte

Det er godt å kunna
sjå tilbake på
dei ein har elska
og enno kjenna varmen
frå gode famntak

Elden brann ut
Det brast i det skjøre

Men det er godt
å kunne hugsa
den gong vi lutte
mot kvarandre og
enno var nære

Eit hjarte er stort nok
til mange kjærleikar

Eg teiknar

Eg teiknar eit
dikt
i dogga på
vindaugsruta

Eg ser på
den kvite runde
månen

Kan eit liv romma
både ei stor sorg
og ei stor glede
i same natta

Eg teiknar
namnet ditt
bokstav for
bokstav

Til Tor første barnebarn, min prinsesse Mia.

ALT ER DITT

Vesle prinsesse søv no, Ho eg ville kruna med glede Augnevippene som små vifter mot kinnet Den butte handa roleg mot brystet

Ho søv no prinsessa Ho som dagen lang har utforska livet som nysgjerrig og vaken har møtt kvart sekund Så mykje nytt, Så mykje uprøvd

Å vesle prinsesse alt er ditt til å fanga Så sov no mot ein ny dag Vi vakar rundt deg vi som elskar

Skrevet av Bente Bratlund i boken "Livet er så nært"