Bokelskere.no

"Men det er kult korleis kreftene verkar," sa eg og stirra ut over havet. Eg hadde blitt gjennomvarm og ønskte ein vind kunne kjølne kinna mine. "Sånn som at dersom du hoppar uti vatnet, kjem heile jordkloden opp og tar deg imot. Newtons tredje lov."
"Kan det ikkje kjennast slik nokre gonger, som at du held jordkloden i bane med vekta di åleine?" sa Mads.

Der sat han og trykte på dei vonde plassene, dei innvendige blåmerka, og han visste at han såra meg, han måtte vite det.

Saman med foreldra flyttar Lea til ei lita øy i havgapet, i eit hus for seg sjølv på det høgste punktet på øya. Ho møter naboguten Jonas, og dei utviklar ein venskap. Men det er noko som ikkje stemmer på den vesle øya. Dei andre ungdommane vil ikkje ha noko med Jonas å gjere, og Lea blir dregen inn i ein konflikt som ho ikkje forstår noko av. Ho må ta eit val. Og ho må finne ut kva det er alle på øya går og teier om.