Bokelskere.no

Du kjenner at du eigentleg skulle ha gjort noko anna. Det er sommar og du er ung, og du veit at du ikkje kjem til å ha så mange somrar av dette slaget. Ungdommens somrar tar slutt og blir avløyste av noko heilt anna, haustens vindar skal blåse gjennom deg, du har lese om dette, du veit at det er slik, men du vil ikkje tenkje på det. Du skal jobbe, du treng pengane. Heilt kva du treng pengane til, veit du kanskje ikkje. Men det kan ha med reising å gjere. Ja, du skal reise. Du er ung, og reising høyrer ungdommen og sommaren til.

Det er noko barnsleg med pannekaker, som med kakao og raudbrus og fødselsdagsselskap. Det er då også barndommens pannekaker og pannekakeopplevingar som ligg i botnen, og det er fleskepannekaker (ikkje store fleskebitar, men ørsmå og godt steikte baconbitar) eller pannekaker utan flesk og med syltetøy, helst blåbær. Den vidunderlege lukta i huset når du kom heim frå skulen og tenkte pannekaker! Så lenge sidan sist!