Bokelskere.no

Tett inn i det blinde, ditt auge
den kvite veggen
ei sorg og den rennande veggen
under dei kvite fingrane, under over
ditt auge

Kvar skal vi gå den dagen vi ser
der ikkje er nokon stad
å gå? Når alle dører er like
opne som dei før var stengt, når eit
ope susande rom er alt som er att
av all din lengt?

Men når du er framme ved det som rører deg
rører det deg ikkje
lenger

likevel er det alltid noe som vil
røre ved deg

I går stod du inneklemt i eit ord
nesten uten å kunne puste
I dag kan du kanskje seie det, og
i morgon vil det vere eit nesten umerkeleg
fargeskifte i alt som blei sagt

Det ukjent mogelege i ditt liv
det kviler i deg
som ein positiv balanse du alltid
kan ta opp, og
utanfor stormaktene

det du snakkar mot, vil du likevel bli med
men på ein omvendt måte

og all bevegelse kan bli din eigen
om du går inn i den

Vil du bli ei undertrykt jente
skal du seie at du er ei undertrykt jente
du vil ganske enkelt bli tatt
på ordet