Bokelskere.no

Å skriva eit dikt er no arbeid, det òg. Det vert noko av det same, veit du. Du ser det på dikta til Nygard, når ein ser nærare på dei, at det er ein tømmermann som har gjort dei, ein som er van å hogga i timber. Ikkje noko skrivebordsarbeid. Eg trur no du ser det hjå Vesaas òg, at den mannen hadde lært å bryna ein stuttorv.

Ja ja, Lu Chi var ein general, veit du, frå år 300 e.Kr. - Og han hadde tapt eit slag og blei dømd til døden. I tre år sat han og venta på at han skulle verta halshoggen og då skreiv han denne poetikken, ei vedunderleg avhandling. Det er poesi om korleis du skal laga dikt. Det fyrste du skal gjera, segjar han, er å tenke på at du er åleine i universet, og universet er et mysterium - slik skapar du rom for tankane dine. Du skal meditera, og so ta penselen i hand og prøve gjera nokre strek på arket - kanskje kan det bli eit dikt av det. Men han segjer ikkje korleis det skal vera. Og so vart han halsoggen.