Bokelskere.no

Brått sprang dei fram til åtak utan varsel. Bogar song og piler kvein. Slaget heldt på å bryte ut. Enda bråare kom eit mørker, skremmande snøgt! Eit svart skylag hasta over himmelen. Vintertora rulla på ein vill vindkave, brølte og rumla i berget, og lyneld kveikte nuven der. Og under tora kunne dei sjå noko anna svart, som kvervla fram, men det kom ikkje med vinden, det kom frå nord, som ei ovdiger sky av fuglar, så tett at lyset ikkje kunne sjåast under vengene deira.