Bokelskere.no

«Me er ikkje tjuvar, » svara Bard. «Me gjev deg ditt eige i byte for vårt.» «Korleis fekk de hand om han?» spurde Torin i stigande vreide. «Dei fekk han av meg!» kvinka Bilbo, som kikka over muren, og no var han livredd. «Du! Du!» ropa Torin, vende seg mot han og treiv han med båe hender. «Din usle hobbit! Din småvaksne – innbrotstjuv!» ropa han, heilt tom for ord, og han rista arme Bilbo som ein kanin. «Ved skjegget hans Durin! Gjev eg hadde Gandalv her! Banne han for at han valde deg! Munde skjegget hans visna! Og deg vil eg slengja mot knausen!» ropa han og lyfte Bilbo i armane.