Bokelskere.no

SLAVAR

Eg kan ikkje anna finne enn det eg alltid fann:

Mannen er slave av kvinne, kvinna er slave av mann.

Svarte er slavar av kvite, kvite er slavar av svart.

Dei som kan slå og bite, er føre til litt av kvart.

Somme er slavar av flaska, Herren forbarme dei!

Andre av pengetaska, Herren forbarme - nei!

Slavar, slavar er alle, slavar på sjel og kropp.

Svepa skal alltid knalle, knalle frå rot til topp.

Keisar, konge og pave er slavar av gamalt prent.

So gjorde dei Gud til slave nagla til to testament.