siljehusmor siterer Lyden av stein som flyttar seg under vatn av Lars Ove Seljestad (side 43)
12:21, 21. august 2023* Ingen har det som favoritt.
HELSINKI
isbrytarane ligg i
regnbogen utan sol
utan regn
fire bjørnar i ulike
aldrar kviler
ved kai
tvillingane urho og sisu
i svart og saharagult
otso og kontio
i kvitt og blått
du veit dei har krefter
kan bryta
det som brytast skal
den stumpe snuten
den tette overkroppen fortel
alt
finske brytarar
finske spydkastarar hiv
seg framover med all si
tyngd
dampen står av
nakkane deira
fram skal dei
om så havet sprakk
og det gjer det
igjen og igjen sprekk
havet
og vi
etter
Sist sett
