Mari Arn siterer Drakevind av Halvor J. Sandsdalen (side 27)
12:28, 2. august 2018* Ingen har det som favoritt.
MORGONEN
Eg ville sjå
når morgonen vart til.
Eg la meg ved ei myrtjørn
og venta
med grankvisteld og fiskestong,
og eg såg kvelden
sløkte dagen
bortover moane
som når du skrur ned
ein brennande lampeveike.
Eg såg natta
som eit røyksvart glas,
og morgonen kom
som når far
i min tidlege ungdom
gnei lampeglaset
med ein sotsvart finger,
før han skrudde opp veiken.
Slik vart morgonen til.
Sist sett
