Bokelskere.no

Skulestart

eg deler og gongar
plussar og trekkjer frå
les om fjerne kongerike
keisaren og hans nye klede

men blant blyant og linjal
rim og regler, brøkar og
likningar, der dansar
villjentehjartet mitt

sjå på meg, seier det
eg er ute av skogen
no er eg overalt

vesle ville hjartet mitt
bustete, skrukkete, skite

vil ikkje høyre på meg
gjer berre grimasar om
eg snakkar alvor til det

himlar med auga
snur på hælen
flirer og ler