Bokelskere.no

Det var tungarbeid å få han Frik upp um morgonen og sende han av stad til skulen. Ho Eline laut byrja i god tid og ho rykte og reiv i han so han kunde vakna. Men han var reint ein makelaus hardsovar.
"Nei, men skal eg verkeleg ikkje få deg upp då, Frik!" ropte ho og hyfste han i håret.
"Uff deg!" Han drog tæpet over augo og snudde seg imot veggen.
"Ja, ja! Kjenn Godt!" Ho slengde klæda av han, og tok godt tak i luggen nede ved øyra og drog paa sneid upetter og det so han huska i senga. Og seint um sider fekk han upp augo.