Solveig Sofie Øvrewall Berntzen siterer Å elska er å vera stille nesten heile tida av Alf A. Sæter (side 24)
15:15, 20. februar 2013 Ingen har det som favoritt.
Ein vanleg dag
Og så tek vi på oss klede
med hender
late av svevn.
Slit i strømper,
trakkar i skor
og ler lydlaust
av eit morgonkyss
som ikkje råkar.
Så til knappane
og glidelåsen,
beltespenna
og skjerfet
og lua
som skal sitja
passe skeivt
på folk som oss.
Aller sist
hektar vi på oss maskene
repeterar
kvardagsreplikkane
og går i gang
med å spela oss sjølve
så godt vi kan.
Sist sett
